Iyohaichish 90 - Ashiri Aeuitaknup Iyohaichish Yona 1897

90. Iyohaichish.

Kamui koro Ainu Mose ki inonno-itak.

¹ UTARAPA, Aokai anak ne shashuishiri wano Chikoro oshiroma-i E ne nisa ruwe ne.

² Nupuri ahetukure etokota, Toitoi newa moshiri newa kara etokota Shashuishiri wano shashuishiri pakno an Kamui E ne ruwe ne.

³ Aokai anak ne ainu koponchi orun hoshipire kusu ne; Utara poho, hoshippa yan, ari an itak ani E ye nisa ruwe ne.

⁴ E shik-samata wan ili paha anak ne, Aokere numan ukorachi ne, Anchikara ta an shiure korachi ne ruwe ne.

⁵ Aokai anak ne pesambe ani korachi nei utara isamka; Mokoro wa okaibe korachi ne: Kunneiwano hetuku mun ukoheraye ne;

⁶ Kunneiwano nei ambe shipiraspa wa shukup; Onuman ta aotuye wa shumumge ruwe ne.

⁷ Aokai un koirushka gusu a un isamka, Uni koirushka gusu chi utara chiukopoye ruwe ne gusu ne na.

⁸ Aokai anak ne chikoro wen-buri E kotchaketa ande, Chi ki nuina na okai katpak E shik-samata aande nisa ruwe ne.

⁹ Aokai un koirushka rapoketa chi ishu ash kuni toho isam: Shine heise hum korachi chikoro paha aokere na.

¹⁰ Chi shiknu ash kuni paha un to anak ne wan pa ikashima re hotne pa ne ruwe ne, Orowa, okirashnu wa gusu poka ine hotne pa pakno an ruwe ne; Yakka, nei okirashnu-i anak patek irarabe newa wenbe ne ruwe ne, Tunashino nei ambe nin wa chi paye ash wa isam ruwe ne gusu ne na.

¹¹ E koro kinrakara kiroro eraman guru nen ne ruwe? E ko-oripak kuni gusu an irushka-i eraman guru nen ne ruwe he an?

¹² Wayashnu keutum chi koro kuni ne, Chi shiknu ash kuni toho pishki kuni gusu un epakashnu wa un kore.

¹³ Aa Ehoba, hoshipi wa ikore; hembara pakno ruwe? E koro uitek utara gusu koingara wa un kore.

¹⁴ Chi shiknu ash toho ebitta chi yaikopuntek wa nupetne ash kuni gusu, Nekon ka newa, E koro rampoken ani iramushinnere wa un kore.

¹⁵ Otta un shirikirapte toho newa Otta wenbe chi nukara ash paha newa esanniyo wa un yaikopuntekte wa un kore.

¹⁶ E ki ikip E koro uitek utara otta nukare, Nei utara koro poho otta E koro nupeki sange wa un kore.

¹⁷ Orowa, chikoro Ehoba ne Kamui koro aekiroro an-hi un otta anro: Teke ani chi ki ikip un otta ashte wa un kore; Ruwe newa, teke ani chi ki ikip un gusu ashte wa un kore.