Iyohaichish 88 - Ashiri Aeuitaknup Iyohaichish Yona 1897

88. Iyohaichish.

Shinotcha, Kora poho kara iyohaichish; shinotcha esapane guru gusu; Maharat Reannot otta. Ezra santek ne Heman koro Maskir.

¹ AA Ehoba ne en kashiobiuki Kamui, Tokap-to ta ne yakka kunne-to ta ne yakka E kotchaketa hawe ku ashte nisa:

² Ku ki inonno-itak E otta arakire; Ku ashte hawe orun ikokanu wa en kore:

³ Ku ramat anak ne wenbe ani eshik, Orowa, Shio orun ku inotu anak ne karange no ek ruwe ne.

⁴ Shui orun san guru nei no a en esanniyo wa an; Kashiobiuki-hi sak no an guru korachi ku ne ruwe ne:

⁵ Bai utara tumuge un aosurupa Tushiri otta okai aronnu utara nei no, Aokai shomo eshkarun utara ukorachi ne; Nei utara anak ne E teke wano aotuye utara ne ruwe ne.

⁶ Aokai anak ne iyotta ra un shui otta, Kunne an ushike, ooho ushiketa en ande nisa ruwe ne.

⁷ E koro irushka-hi en kashiketa an wa pase, Obitta no okai E koro riri ani Aokai en shirikirapte nisa ruwe ne. [Sera.]

⁸ Aokai anak ne ku eamkiri utara en orowa no ehangeko ande nisa; Nei utara en etunne kuni ne E kara: A en koseshke hine ku soine eaikap ruwe ne.

⁹ Ku ramu-sarak gusu ku shikihi anak ne nin: Aa Ehoba, kesto E orun ku nishuk, Aige, E orun ku teke ku turi nisa ruwe ne.

¹⁰ Rai utara otta Aokai anak ne iyokunnure ikip nukare ya? Isam utara anak ne hopumba wa E koiramye kusu ne ya? [Sera.]

¹¹ Aokai ki omap-an-ramuhauge-hi anak ne tushiri onnaigeta anure ya? Aisamka ushike ta E ki ikipniukeshpe ku ashte kusu ne ruwe he an?

¹² Kunne-i otta E ki iyokunnure ikip anukara ya? Samata, E koro oupeka ambe oirare moshiri ta aeraman ruwe he an?

¹³ Koroka, Aa Ehoba, E orun ku hawe ashte nisa. Orowa, kunneiwano ku ki inonno-itak E kotchaketa ek kusu ne na.

¹⁴ Aa Ehoba, hemanda gusu Aokai anak ne ku ramat emaka ya? Hemanda gusu en orun E nanuhu E seshke ruwe he an?

¹⁵ Ku otek-sak wa ponram orowa no ku rai etoko-oiki: Aokai gusu ku ishitoma ita ku sambekokuruse ruwe ne.

¹⁶ E ki niwen no an irushka ambe anak ne en kamure nisa; Aokai gusu an ishitoma-hi anak ne en otuye nisa ruwe ne na.

¹⁷ Ramne to wakka korachi nei utara anak ne en okari wa araki; Ukoiram no en nikkotama nisa ruwe ne.

¹⁸ Omap ki guru ne yakka ikateomare guru ne yakka en orowa no ehangeko no E ande nisa, Orowa, ku eamkiri utara anak ne kunnep ne ruwe ne na.