Iyohaichish 80 - Ashiri Aeuitaknup Iyohaichish Yona 1897

80. Iyohaichish.

Shinotcha esapane guni gusu; Shoshannim Edut otta. Asap kara iyohaichish.

¹ AA Israeru reshpa guru, nu yan, Aokai anak ne hitsuji topaha nei Yosep ani ruwe ne; Kerubim uturuta oshiroma Kamui, pekere atte wa un kore.

² Epraim newa Benyamin newa Manasse kotchaketa koro kiroro ashte, Ek bine un kashiobiuki wa un kore.

³ Aa Kamui, shui un yaikatebipire; Orowa, kon nanuhu hereatte wa un kore, yakun a, un kashiobiuki kusu ne na.

⁴ Aa inne topaha koro Ehoba Kamui, Hembara pakno E koro utara inonno-itak gusu Aokai anak ne irushka kusu ne ya?

⁵ Nupe an aep ani nei utara aibere nisa, Orowa, iku gusu poron no okai nupe koropare nisa ruwe ne.

⁶ Chi koro aun utara gusu aesakayo kuni Aokai un kara; Orowa, un epokba utara ukotura mina ruwe ne.

⁷ Aa inne topaha koro Kamui, shui un yaikatebipire; Orowa, kon nanuhu pekere atte wa un kore, yakun a un kashiobiuki kusu ne na.

⁸ Aokai anak ne Echipt moshiri orowa no hat pungara koro wa ek: Awa, uirup utara okeuba wa nei ambe etoita nisa ruwe ne.

⁹ Nei ambe gusu Aokai etokooiki nisa, Aige, shiri ooho shinrit koro wa nei moshiri shikte nisa ruwe ne na.

¹⁰ Nei kuriki ani nupuri akamure,, Koro nitek anak ne Kamui shungu nepkoro ne.

¹¹ Koro nitek atui pakno turire, Koro kenituk anak ne nei pet pakno pirasa mwe ne.

¹² Hemanda gusu Aokai anak ne nei sakuri horakte? Orowa, nei ru kari paye utara obitta nei ambe kaye ruwe ne.

¹³ Nitai wano ek shishi anak ne nei ambe wende, Niwen kim un chikoikip ibe ruwe ne.

¹⁴ Aa inne topaha koro Kamui, nekon ka newa, shui hoshipi wa en kore: Kando orowa no ikokanu wa ingara hine tan pungara orun ek wa en kore;

¹⁵ E koro shimon tekehe etoitap shikkashima, Orowa, yaikota gusu Aokai tumashnure poho orun ingara wa un kore.

¹⁶ Abe ari auhuye, oatuye nisa: E koro shancha oma kopao gusu nei utara aisamka.

¹⁷ E koro shimon teke ta an guru kata E koro teke ande wa en kore, Yaikota gusu Aokai tumashnure ainu poho kata ande wa en kore.

¹⁸ Yakun, chi utara anak ne Aokai orowa no shomo hoshippa: Un shiknure wa un kore, yakun E kon reihei konishuk ash kusu ne na.

¹⁹ Aa inne topaha koro Ehoba Kamui, un yaikatchipire wa un kore; E kon nanuhu pekere atte, yakun, chi utara kashiobiuki kusu ne na.