Iyohaichish 79 - Ashiri Aeuitaknup Iyohaichish Yona 1897

79. Iyohaichish.

Asap kara Iyohaichish.

¹ AA Kamui, oya uirup utara anak ne E koro eikeshkoro ushike ahup; E koro Ashkanne kenru turu-ushte; Epunipushbe korachi Yerusarem kotan kokiru nisa ruwe ne.

² Rik-kush chikap ibe gusu E koro uitek utara koro kaisei koropare, E koro ashkanne utara koro kam moshiri un chikoi-kip orun koropare nisa ruwe ne.

³ Yerusarem kotan okari wakka korachi nei utara koro kem ohetu; Orowa, iyurui orota omare kuni guru isam nisa ruwe ne na.

⁴ Aun utara gusu aeyainikoroshmarep chi ne, Un okari ta an utara gusu aenuinap ne aesapsep chi ne ruwe ne.

⁵ Aa Ehoba, hembara pakno, ramma pakno un koirushka ruwe he an? E ki eyaitunnap ambe abe korachi parasere ruwe he an?

⁶ Aokai eamkiri shomoki oya uirup kata E koro irushka-hi echikiki, Samata, E kon reihei konishuk shomoki moshiri kata echikiki wa un kore.

⁷ Nei utara anak ne Yakob isamka, Shinuma koro ibe-mimdara wen-toi kan-toi kokiru nisa ruwe ne gusu ne na.

⁸ Chikoro ekashi koro wen-buri iteki un kashiomare wa un kore: E koro ramu-hauge-rampoken tunashino un kotcha-keta omande wa un kore: Chi utara shi no aeramusarakka wa okai ruwe ne gusu ne na.

⁹ Aa un kashiobiuki Kamui, E kon reihei nupeki gusu, un ikasbiu wa un kore: Un kashiobiuki wa E kon reihei rengap gusu chikoro katpak tusare wa un kore.

¹⁰ Hemanda gusu oya uirup utara anak ne— Nei utara koro Kamui neita an a?— sekoro itak kusu ne ya? E koro uitek utara koro aohetu kem anak ne aikemnu kuni aki-hi Chi shiksamata oya uirup otta anukare wa un kore.

¹¹ Ipakashnu chisei ta an guru koro tanne heise orun ingara; E koro poro okirashnu ambe sange wa aronnu kuni aesanniyo utara shiknure wa un kore;

¹² Orowa, Aa Utarapa, ari E esapsep ani Atchisei un utara koro upshoro ta arawan shui pakno koropare wa un kore.

¹³ Yakun, E koro utara, E koro mimdara ta okai chi utara anak ne Ramma pakno E koyaiiraige ash: Otusashuishiri pakno koro ramye-hi atte kusu ne na.