Iyohaichish 77 - Ashiri Aeuitaknup Iyohaichish Yona 1897

77. Iyohaichish.

Shinotcha esapane guru gusu; Jedutun nei no. Asap kava iyohaichish.

¹ Hawe ani Kamui orun ku hawe ashte kusu ne; Kamui orun poka ku hawe ani, yakun, Shinuma en nu kusu ne na.

² Yairamhekomo toho ta Utarapa ku hunara nisa: Anchikara ta ku teke aturi wa shomo yoni; Ku ramat anak ne aomaoma eaikap nisa ruwe ne.

³ Kamui ku eshkarun wa ramukittararage: Ku oromam wa ku ramat nin ruwe ne. [Sera.]

⁴ Aokai anak ne ku shikihi shiurere: Itak eaikap pakno yairamkoiki ku ki ruwe ne.

⁵ Fushko toho ku esanniyo, Teeda orushpe ku ramepakari nisa.

⁶ Anchikarata ku shinotcha ku eshkarun, Yaikota koro keutum ta uweneusara ki; Ku ramat anak ne shiarikiki no hunara nisa ruwe ne.

⁷ Ramma pakno Utarapa anak ne un emaka ya? Tewa no shomo irenga sange ruwe he an?

⁸ Samma pakno shinuma koro rampoken ara isam ruwe he an? Shinuma ki eitakamkire ambe ramma pakno isam ruwe he an?

⁹ Irenga sange kuni Kamui anak ne oira ruwe he an? Shinuma irushka wa koro ramu-hauge rampoken keutum seshke nisa ruwe he an? [Sera.]

¹⁰ Orowa, Tambe anak ne ku katchakbe ne, sekoro ku ye nisa; Koroka, Iyotta Rikunbe shimon teke koro paha ku eshkarun kusu ne na.

¹¹ Yah ki ikip ku ye kusu ne; Fushkotoita Shinuma ki iyokunnurep ku eshkarun kusu ne na.

¹² Obitta no okai E ki ikip gusu ku ramepakari, E ki ikip ku esanniyo kusu ne na.

¹³ Aa Kamui, E kon ruhu anak ne oupekap ne: Kamui korachi shi no Kamui hunna ruwe he an?

¹⁴ Aokai anak ne iyokunnurep iki Kamui E ne: Utara tumugeta Aokai anak ne E koro kiroro nure nisa ruwe ne.

¹⁵ Aokai anak ne E koro teke ani E koro utara kikiraye nisa, Yakob newa Yosep koro poho utara kikiraye nisa ruwe ne. [Sera.]

¹⁶ Aa Kamui, wakka anak ne E nukara; Wakka E nukara wa ishitoma: Ooho ushi koyakoyak nisa ruwe ne.

¹⁷ Nishkuru anak ne wakka echikiki; Kando anak ne humi ash: E koro ai aomande nisa ruwe ne.

¹⁸ E koro Kamui hum hawe hopoye otta an; Imeru anak ne moshiri pekereka: Toitoi anak shishuyeshuye wa tusushke nisa ruwe ne.

¹⁹ E ruhu anak ne atui otta an, E koro apkash ru anak poro wakka otta an, E ru-kot anak ne aerampeutekbe ne na.

²⁰ Hitsuji topaha nei no Aokai anak ne E koro utara tura nisa, Mose newa Aaron tekehe ani tura nisa ruwe ne na.