Iyohaichish 75 - Ashiri Aeuitaknup Iyohaichish Yona 1897

75. Iyohaichish.

Shinotcha esapane guru gusu; Ar-tashhet orota. Asap kara iyohaichish, shinotcha.

¹ AA Kamui, Chi utara anak ne E koyaiiraige ash na; E kon reihei ehange no an gusu, koyaiiraige ash na: E ki iyokunnure ikip anak ne nei no ye nisa ruwe ne.

² Aesanniyo wa an pakihi chiki, Kuani, kuani poka, oupeka no ipishi ki kusu ne.

³ Moshiri newa obitta no okai uirup anak ne nin wa isam yakka, Kuani anak ne nei ikushpe roshire ruwe ne. [Sera.]

⁴ Ramat-sak utara otta, Iteki haita buri ki yan, sekoro ku itak, Wen utara otta, Iteki echi koro kirawe punire yan, sekoro ku itak nisa ruwe ne:

⁵ Iteki echi koro kirawe rikna-puni yan; Iteki pakesara rekuchi ani itak yan.

⁶ Inambe gusu ne yakun, rikna-puni ambe anak ne moshiripa wano hene, moshirigesh wano hene, Shui, nei nupuri oma nup wano hene shomo hetuku ruwe ne gusu ne na.

⁷ Koroka, Kamui anak ne koipishi ki gunʼne: Shinuma shinen ramde, shinen rikta ande ruwe ne.

⁸ Inambe gusu ne yakun, Ehoba teke otta tuki an, nei tonoto poppise kara; Aukopoyep ani eshik, aige Shinuma nei ambe echikiki ruwe ne: Son no newa moshiri un obitta no okai wen utara anak ne nei shirari ohetu wa iku kusu ne na.

⁹ Koroka, Kuani anak ne ramma pakno itak sange, Yakob koro Kamui orun iramye shinotcha ku ki kusu ne.

¹⁰ Wen utara koro obitta no okai kirawe ku otuye kusu ne; Koroka, oupeka utara koro kirawe anak ne ariknare kusu ne na.