Iyohaichish 69 - Ashiri Aeuitaknup Iyohaichish Yona 1897

69. Iyohaichish.

Shinotcha esapane guru gusu; Shoshannim otta. Dabid karape.

¹ AA Kamui, en kashiobiuki wa en kore; Wakka anak ne ku ramat otta ahun nisa ruwe ne gusu ne na.

² Ash kuni ushike isam oraurauge-i ku orauoshma: En kamure ooho wakka an i ku ahun ruwe ne.

³ Ku chish wa ku shingi, ku rekuchi anak ne sat, Kamui ku ehuye wa ku shikihi nin ruwe ne.

⁴ Ikkewe sak no en etunne utara anak ne ku otop tu kasu no inne ruwe ne. Nei ikkewe sak no en epokba wa en isamka rusui utara anak ne okirashnu ne: Shomo ku koro wa oman ambe, ku hoshipire ruwe ne na.

⁵ Aa Kamui, Aokai anak ne ku ramu-sakbe eraman; Aokai gusu ku wen-buri anak ne shomo anuina ruwe ne.

⁶ Aa, inne topaha utara koro Ehoba ne Utarapa, E orun chipachipa utara iteki en gusu ayainikorosh-mare kuni ne kara wa en kore. Aa Israeru koro Kamui, E hunara utara iteki en gusu sambe akokurusere kuni ne kara wa en kore.

⁷ Aokai gusu kuani anak ne a en esapse nisa; Yashitoma ambe anak ne ku nanuhu kamure nisa ruwe ne.

⁸ Ku iriwak utara otta shomo eamkiri guru korachi ku ne. Ku habo koro poho utara otta oya guru korachi ku ne ruwe ne.

⁹ E kora kenru gusu an keutum-opopmau ambe anak ne en ibe nisa; Orowa, en esapse utara ki esapse ambe anak ne en kashi aomare nisa ruwe ne gusu ne na.

¹⁰ Chish wa shomo ramnu ki ita anak ne, Nei ambe anak en yainikoroshmare gusu an ika ne nisa ruwe ne.

¹¹ Aeshiyuk amip ani ku yaimire ita, Aeoyaitakbe ku ne nisa ruwe ne.

¹² Apa otta rok utara anak ne en gusu uweneusara ki; Ihoshki utara en gusu shinotcha ki ruwe ne.

¹³ Koroka, Aa Ehoba, kuani anak ne E orun inonno-itak ku ki; Aa Kamui, pirika ita, poro omap-an-ramuhauge sange hine, E koro kashiobiuki gusu an sonep ani en orun ese itak ki wa en kore.

¹⁴ Nei oraurauge-toi wano en etaye hine, iteki ku orauoshma kuni ne kara wa en kore; En epokba utara orowa no hemhem, nei ooho wakka orowa no hemhem en ohaitare wa en kore.

¹⁵ Iteki pe-san wakka en kamure, Iteki ooho ushike ani a en ruki, Iteki nei shui anak ne koro paroho en koseshke kuni ne kara wa en kore.

¹⁶ Aa Ehoba, E koro omap-an-ramuhauge-i anak ne pirika ruwe ne gusu, en orun ese wa en kore: E koro inne no okai ramu-hauge rampoken an korachi en orun hosari wa en kore.

¹⁷ E koro uitek guru otta iteki E koro nanuhu seshke wa en kore; Ku yairamkoiki gusu tunashino en orun ese wa en kore.

¹⁸ Ku ramat otta karange no ek wa nei ambe kikiraye wa en kore; En epokba utara wano kikiraye wa en kore.

¹⁹ A en esapse ambe, a en ayainikoroshmare ambe, orowa, a en koatcha ambe Aokai eraman: En ramushitnere utara obitta E shiksamata okai ruwe ne.

²⁰ Aesapse ambe anak ne ku keutum iuninka, ok ani ku eshik ruwe ne, En chishikiraine kuni guru ku hunara, koroka, isam ruwe ne; En omaoma kuni utara ku hunara, koroka, ku nukara shomoki nisa ruwe ne.

²¹ Aep gusu ninge en kore nisa; Iku rusui ita anak ne shukkakep en kore nisa ruwe ne.

²² Nei utara koro set tupep ne akara; Mo no okai ita akbe ne kara wa en kore.

²³ Shomo ingara kuni ne koro shiki kunnere; Koro kuruosh ramma tusushkere wa en kore.

²⁴ Nei utara kashi E koro irushka-i echikiki, E koro seisek kinrakarape oshkonire wa en kore.

²⁵ Koro oshiroma-i mun konchi kore, Koro kash otta oshiroma guru isam kuni ne kara yan.

²⁶ Aokai shirikik guru nei utara anak ne keshke ruwe ne; Orowa, Aokai piriore utara koro iuninbe ye ruwe ne.

²⁷ Nei utara koro wen-buri kata wen-buri kashi-iyo wa en kore: Orowa, E koro oupeka-i otta shomo ahup kuni ne kara wa en kore.

²⁸ Inotu oma kambi orowa no nei utara ushka, Oupeka utara tura iteki nei utara sapa nuye wa en kore.

²⁹ Koroka, kuani anak ne otek-sak wa yairamhekomo ruwe ne: Aa Kamui, E koro kashiobiuki-hi ani ri ushike orun en rikta-ande wa en kore.

³⁰ Shinotcha ani Kamui reihei ku reika kusu ne, Iyaiiraigep ani Shinuma ku pasere kusu ne na.

³¹ Nei ambe anak ne pinne beko kasu no Ehoba nupetnere, Kirawe newa ushish koro pinne beko kasu no nupetnere kusu ne.

³² Ramu-rotcha utara nei ambe nukara wa yainuchattek nisa ruwe ne: Kamui hunara echi utara, echi koro keutum shiknure yan.

³³ Ehoba anak ne irapokkari guru nu, Orowa, ipakashnu chisei ta okai utara shomo etunne ruwe ne gusu ne na.

³⁴ Kando newa toitoi Shinuma ramyere, Atui ne yakka nei oshketa moimoyege okaibe ne yakka.

³⁵ Kamui anak ne Zion kashiobiuki, Yuda machiya kara; Orowa, nei utara anak ne toada oshiroma wa nei machiya shikkashima kusu ne gusu ne na.

³⁶ Shinuma koro uitek utara koro santek nei ambe eikeshkoro; Orowa, Shinuma reihei omap utara nei oshiketa oshiroma kusu ne na.