Iyohaichish 66 - Ashiri Aeuitaknup Iyohaichish Yona 1897

66. Iyohaichish.

Shinotcha esapane guru gusu, Shinotcha, Iyohaichish.

¹ MOSHIRʼEBITTA, Kamui gusu nupetne hau ashte yan.

² Shinuma reihei arakuru gusu shinotcha ki wa ashte yan: Shinuma ramyep nupekte yan.

³ Kamui otta, E ki ikip nep ashitomap humi! E koro kiroro porobe ne gusu E epokba utara itaknu kusu ne na, ari an itak ani ye yan.

⁴ Moshirʼebitta E ko-ongami wa Aokai orun shinotcha ki kusu ne: E reihei orun shinotcha ki kusu ne na. [Sera.]

⁵ Araki wa Kamui ki ikip ingara yan; Utara poho epeka no ki ikip gusu shinuma anak ne ashitomap ne.

⁶ Atui itasare wa sat toi ne kara: Apkash wa nei utara anak ne nei pet kush nisa: Nei ita Shinuma gusu chi utara nupetne nisa ruwe ne.

⁷ Shinuma anak ne kiroro sange wa ramma pakno epungine: Shinuma koro shikihi moshiri uirup shiruwande: Okbare ki utara, iteki yaikota yairire yan. [Sera.]

⁸ Aa uirup utara, chikoro Kamui ramye yan, Shinuma reika hau anu no ashte yan.

⁹ Shinuma anak ne chikonʼramat nitatpa wa shiknure, Chikoro chikiri shomo moimoige kuni ne kan ruwe ne.

¹⁰ Aa Kamui, Aokai anak ne un shiruwande nisa; Shirokani auwande korachi un shiruwande nisa ruwe ne.

¹¹ Aokai anak ne nei ya orun un ahupte; Chikoro seturu kata pase shikehe E ande nisa ruwe ne.

¹² Chikoro sapa kashike ainu utara aore nisa; Chi utara abe newa wakka kush nisa; Koroka, Aokai anak ne nuye an no an ushike orun un tura nisa ruwe ne na.

¹³ Uhuyeka yange kunip ku goro wa E kora kenru ta ku ahun, Ku uitaknup Aokai orun ku ki kusu ne;

¹⁴ Nei ambe anak ne ku yairamchuptekka ita ku paro ani ku itak ambe ne, Ku papush ani ku ye nisa ruwe ne.

¹⁵ Pinne hitsuji senko tura Mimushbe uhuyeka yange kunip E orun ku yange kusu ne na; Beko newa yangi kem tura ku yange kusu ne na. [Sera.]

¹⁶ Kamui koishitoma obitta no okai utara araki wa nu yan, Yakun, ku ramat gusu Shinuma iki ambe echi nure ash kusu ne.

¹⁷ Inambe gusu ne yakun, paro ani Shinuma orun ku konishuk, awa, Ku paroho ani Shinuma airamye nisa ruwe ne.

¹⁸ Ku keutum ta irarape ku yainu chiki, Utarapa shomo nu kusu ne:

¹⁹ Koroka, son no newa Kamui anak ne nu nisa; Ku ki inonno-itak gusu ikokanu nisa ruwe ne.

²⁰ Kamui anak ne anunuke ne, Shinuma anak ne ku ki inonno-itak shomo korampoktuye, orowa koro rampoken en orowa no shishire shomoki nisa ruwe ne na.