Iyohaichish 64 - Ashiri Aeuitaknup Iyohaichish Yona 1897

64. Iyohaichish.

Shinotcha esapane guru gusu. Dabid kava Iyohaichish.

¹ AA Kamui, ku keutum ku sange ita, ku goro hawe nu wa en kore: En epokba utara ku ishitoma gusu ku inotu koshiratki wa en kore.

² Irarape iki utara nuina no iki ukoramkor-i orowa no en ohaitare wa en kore; Wen-buri iki utara sakayo gusu en kashiobiuki wa en kore:

³ Nei utara anak ne emush korachi koro parumbe eenka nisa, Shiu itak nepkoro an ai eoshikpekare nisa:

⁴ Nuina no an ushiketa okai wa aeramushinne utara orun ak: Ekushkonna ai-eroski bine ishitoma shomoki ruwe ne.

⁵ Wenbe iki kuni esanniyo wa yaitumashnure; Nuina no akbe are kuni ramepakari; Aige, un nukara guru nen ne ruwe he an? sekoro itak.

⁶ Wen-buri ewenoshikoro wa aesanniyop ki okere: Orowa, nei utara pishno koro onnaige koro sambe ooho ruwe ne.

⁷ Koroka, Kamui anak ne nei utara orun ak kusu ne; Ekushkonna ai ani nei utara piri-ao kusu ne na.

⁸ Orowa, yaikota koro parumbe ani aeyaieiyonnuppa wa aureepetchiure kusu ne: Nei ambe nukara utara obitta sapa shuyeshuye kusu ne na.

⁹ Orowa, utara obitta ishitoma kusu ne: Aige, Kamui ki ikip assuru ashte wa, Shinuma iki ambe wayashnu no esanniyo kusu ne na.

¹⁰ Oupeka utara anak ne Ehoba gusu yainuchattek wa orun eyaikopashte kusu ne; Orowa, keutum oupeka utara anak ne nupetne kusu ne na.