Iyohaichish 63 - Ashiri Aeuitaknup Iyohaichish Yona 1897

63. Iyohaichish.

Yuda nup otta an ita Dabid kara Iyohaichish.

¹ AA Kamui, Aokai anak ne ku goro Kamui E ne ruwe ne, tunashino ku hunara kusu ne: Ku ramat anak ne Aokai gusu iku rusui, ku kam anak ne Aokai gusu eyaikatekan ruwe ne, Shingi newa sat moshiri, wakka isam ushiketa nei no ki ruwe ne.

² E koro ashkanne ushiketa E orun ku ingara, E koro kiroro, E koro nupeki nukara kuni gusu ne na.

³ Inotu kasu no E koro omap-an-ramuhauge ambe anak ne pirika ruwe ne; Ku papush anak ne E koiramye ash ruwe ne.

⁴ Ku shiknu rapoketa ku iramye ash na: E reihei gusu tekehe ku yange kusu ne.

⁵ Ramoro newa kiripu ani ku ramat anak ne aeramushinne kusu ne; Nupetne papush ani ku paro anak ne E koiramye kusu ne na.

⁶ Shotki kata ku an wa E eshikarun ita, Anchikara E ramepakari ku ki ruwe ne.

⁷ Aokai anak ne en kaobiuki nisa, E koro tekkup sempiriketa ku nupetne kusu ne na.

⁸ Ku ramat anak ne E kashirari wa oman, E koro shimon tek anak en nitatpa nisa ruwe ne.

⁹ Koroka, ku ramat isamka kuni gusu nei ambe hunara utara anak ne, Moshiri pokna ushi rap kusu ne na.

¹⁰ Nei utara anak ne emush kiroro ani aohetu kusu ne, Horokeu aep ne akara kusu ne na.

¹¹ Koroka, nei moshiri esapane guru anak ne Kamui enupetne kusu ne; Shinuma gusu shiyuppa no ye wa uitaknu ki utara obitta nupetne kusu ne; Shungep ye utara koro paroho aseshke kusu ne gusu ne na.