Iyohaichish 62 - Ashiri Aeuitaknup Iyohaichish Yona 1897

62. Iyohaichish.

Shinotcha esapane guru gusu; Yedutun nei no. Dabid kara Iyohaichish.

¹ Kamui gusu ku ramat anak ne chipachipa shiriki, Shinuma orowa no a en kashiobiuki ambe an na.

² Shinuma patek en kashiobiuki kuni watara ne: Ku goro ri chashi ne; maskin no ku moimoyege shomoki kusu ne na.

³ Hembara pakno echi utara anak ne ainu kopiuki ya? Shinuma anak ne chiopentari chashi ererashuye ankura nepkoro ne, Aige, echi utara obitta shinuma ara hokushte gusu echi ki ya?

⁴ Shinuma, ouse pirika wa gusu hokushte kuni ne ukoramkoro; Shungep enupetne: Koro paroho ani nunuke, koroka, keutum ta iyoitakushi ki ruwe ne. [Sera.]

⁵ Aa ku ramat, ouse mo no an wa Kamui eyaikopashte yan, Shinuma gusu chipachipa ku ki ruwe ne gusu ne na.

⁶ Shinuma patek en kashiobiuki kuni watara ne: Ku goro ri chashi ne; mashkin no ku moimoyege shomoki kusu ne na.

⁷ A en kashiobiuki-hi newa ku nupeki-hi anak ne Kamui tura an: Ku kiroro oma watara, ku numne-ushi Kamui otta an ruwe ne.

⁸ Uirup utara, ramma shinuma orun eyaikopashte yan; Shinuma kotchaketa echi koro sambe echikiki yan: Kamui anak ne un gusu an numne ushi ne ruwe ne. [Sera.]

⁹ Son no newa nupan utara anak ne heisepa ne, orowa, nupuru utara anak ne shungep ne: Ipakarip otta aomare chiki, ariknatari, Shi no heisepa kasu no koshnep ne.

¹⁰ Usshiune gusu iteki eyaikopashte, Ikka gusu iteki pakesara. Aeoteknup ainnere chiki orun iteki chipachipa yan.

¹¹ Kamui anak ne arashui no itak, Tu shuine tambe ku nu nisa; Kiroro anak ne Kamui korope ne ruwe ne.

¹² Shui, aa Utarapa, rampoken anak E korope ne: Aokai anak ne obitta no okai utara ki ikip esanniyo wa orota auk kunip kore ruwe ne gusu ne na.