Iyohaichish 61 - Ashiri Aeuitaknup Iyohaichish Yona 1897

61. Iyohaichish.

Shinotcha esapane guru gusu: ka oma arektep. Dabid karape.

¹ AA Kamui ku ashte hawe du wa en kore, Ku ki inonno-itak orun ikokanu wa en kore.

² Ku keutum akamure ita, moshirigesh wano E orun ku hawe ashte: En gusu mashkin no ri wa an watara orota en tura wa en kore.

³ Aokai anak ne en gusu numne-ushi ne, En epokba utara okai gusu tumashnu chashi E he ruwe ne.

⁴ Ramma pakno E koro kash otta ku oshiroma kusu ne: E koro tekkup choropoketa ku yai-nuina kusu ne na. [Sera.]

⁵ Aa Kamui, ku ki uitaknu ambe E nu nisa, E kon reihei koishitoma utara eikeshkoro kunip a en kore nisa ruwe ne gusu ne na.

⁶ Aokai anak ne moshiri esapane guru koro inotu anohoro kuni ne kan ruwe ne: Koro paha inne ainu ikiri pakno epa kusu ne na.

⁷ Ramma pakno shinuma anak ne Kamui kotchaketa an kusu ne: Nei guru akoshiratki kuni ne omap-an-ramuhauge ambe newa sonep etoko-oiki wa en kore.

⁸ Yakun, otusashuishiri pakno E kon reihei gusu ramye shinotcha ku ki kusu ne, Nei ambe anak ne kesto ku uitaknu ambe ku ki kuni gusu ne na.