Iyohaichish 60 - Ashiri Aeuitaknup Iyohaichish Yona 1897

60. Iyohaichish.

Shinotcha esapane guru gusu; Shushan otta: Epakashnu gusu, Dabid karape Miktam: Aram-maha-raim newa Aram-zoba ukotumikoro, orowa, Yoab hoshipi wa Shippo pinnai ta shine ichi man nin ne ainu ikashima ni sen nin ne ainu ronnu ita akarape.

¹ AA Kamui, Aokai anak ne un emakba nisa, un kaye nisa ruwe ne; Aokai irushka; awa, Shui un iwangere wa en kore.

² Aokai anak ne toitoi tusushkere nisa; nei ambe yasa nisa ruwe ne: Nei makke ushike iwangere wa un kore, shuyeshuye ruwe ne gusu ne na.

³ Aokai anak ne E koro utara otta hokambap nukare nisa: Tutturusere kuni tonoto un ikure nisa ruwe ne.

⁴ E ko-ishitomo utara otta Aokai anak ne inushuyep koropare nisa ruwe ne, Nei ambe anak ne E koro sonep gusu aroshki kuni gusu an ap ne. [Sera.]

⁵ E koro aomap an guru aohaitare kuni ne, E koro shimon teke ani kashiobiuki hine en orun ese wa en kore.

⁶ Kamui anak ne koro turu-sak-i ta an wa itak; En ramuritetkere, Shekem kotan ku eimek kusu ne, Shui, Sukkot pinnai ku pakari kusu ne na.

⁷ Giread anak me ku konobe ne, Manasse ne yakka ku korope ne, Epraim ka ku sapaha kikikarabe ne; Yuria anak ku goro esapane mondum gusu an kanni ne ruwe ne,

⁸ Moab anak ne ku goro yashke patchi ne; Edom kata ku keire ku osura; Aa Piristia, kuani gusu, hawe ashte yan.

⁹ Nei tumashnu machiya orun en tura guru nen ne ruwe? Edom otta en tura nisa guru inan guru ne ruwe he an?

¹⁰ Aa Kamui, Aokai anak ne un emakba shomoki ruwe he an? Aa Kamui, shui, chikoro topaha tura shomo Aokai paye ruwe he an?

¹¹ Un epokba guru gusu un ikashiu wa un kore: Ainu kashiobiuki ambe anak ne raka sakbe ne ruwe ne gusu ne na.

¹² Kamui ankushkeraipo gusu rametok no chi ki kusu ne: Inambe gusu ne yakun, Shinuma anak ne un epokba utara otereke kusu ne gusu ne na.