Iyohaichish 59 - Ashiri Aeuitaknup Iyohaichish Yona 1897

59. Iyohaichish.

Shinotcha esapane guru gusu; Arteshhet otta. Sauros teshkara wa shinuma raige kuni ne koro chisei ukaeyoko ita Dabid karape: Miktam.

¹ AA ku goro Kamui, en epokba utara orowa no en ohaitare wa en kore: En kopuiki gusu hopumba utara okai gusu ri ushiketa en ande wa en kore.

² Irarape iki utara orowa no en ohaitare wa en kore, Kemnure rusui utara gusu en kashiobiuki wa en kore.

³ Ingarʼan, nei utara anak ne ku ramat gusu yongororo ruwe ne: Okirashnu utara en gusu yaiuwekarapare ruwe ne: Aa Ehoba, tambe anak ne ku ohaitarep gusu, ku katpak gusu shomo ne ruwe ne.

⁴ Shomo ohaita buri ku ki yakka nei utara pash wa etoko-oiki: Tambe gusu, nei utara ekanok gusu mosh wa ingara wa en kore.

⁵ Aa inne topaba utara koro Kamui ne Ehoba, Israeru koro Kamui, Aokai yaihopunire wa moshiri uirup orun ek wa en kore: Irara ohaita-buri ki utara orun iteki irenga kore wa kore. [Sera.]

⁶ Onuman nei utara hoshippa wa seta hawe korachi hawe ashte, Machiya okari paye ruwe ne.

⁷ Ingarʼan nei utara paro ani patukuku; Koro papush otta emush okai: Nei ambe mu guru nen ta? ari yainu ruwe nei gusu me na.

⁸ Koroka, Aa Ehoba; Aokai anak ne nei utara emina kusu ne; Obitta: no okai uirup otta esapse kusu ne na,

⁹ Aa ku goro kiroro, Aokai gusu ku chipachipa kusu ne: Kamui anak ne ku ri chashi ne ruwe ne gusu ne na.

¹⁰ En erampokiwen wa kore Kamui anak ne en ekanok gusu ek kusu ne, Iorun shiktokoko utara gusu ka ki rusuibe ku nukara kuni ne Kamui ramuoshma kusu ne na.

¹¹ Ku goro utara shomo oira kuni ne iteki ronnu wa en kore. E koro kiroro sange wa ekeshne no apkashte hine hachire wa en kore, Aa Utarapa chikoro tamkikhumbe E ne ruwe ne.

¹² Koro parumbe san pishno an itak gusu koro paroho katpak ki, Nei utara pakesara gusu akishimare wa en kore, Iyoitakushi ambe newa shungep ye ruwe ne gusu ne na

¹³ Irushka wa nei utara isamka, tewa no isam kuni ne isamka wa en kore: Orowa, moshiripa pakno moshirigesh pakno, Kamui anak ne Yakob otta an wa; epungine ruwe ne sekoro eramande wa en kore. [Sera.]

¹⁴ Orowa, onuman ne chiki hei utara hoshippa wa seta hawe korachi hawe ashte, Shui, machiya okari ta payere wa en kore.

¹⁵ Aep gusu ekeshne no apkash kusu ne, An ebitta okai yakka shomo akironnu kusu ne na.

¹⁶ Koroka kuani anak ne E koro kiroro gusu shinotcha ku ki kusu ne: Ruwe am, kunneiwano rui hawe ashte wa E koro rampoken gusu shinotcha ku ki kusu ne na: Aokai anak ne ku goro ri chashi ne, Ku yairamkoiki toho ta ku goro numne-ushi E ne nisa ruwe ne na.

¹⁷ Aa ku goro kiroro, E orun ramye shinotcha ku ki kusu ne: Kamui anak ne ku goro ri chashi ne, en erampokiwen wa kore Kamui ne ruwe ne gusu ne na.