Iyohaichish 57 - Ashiri Aeuitaknup Iyohaichish Yona 1897

57. Iyohaichish.

Shinotcha esapane guru gusu; Ar-tashhet otta. Sauros orowa no nei poru orun hira ita, Dabid karape.

¹ AA Kamui, en erampokiwen wa en kore, en erampokiwen wa en kore; Ku ramat anak ne E orun yainuina ruwe ne gusu ne na: Ruwe un, tan wenbe isam pakno, E koro tekkup sempiriketa ku yainuina kusu ne na.

² Iyotta rikun Kamui otta hawe ku ashte kusu ne; En gusu okaibe iki Kamui otta en hawe ashte kusu ne na.

³ En kosakayokara guru en ruki rusui ita anak ne Shinuma kando wano teshkara wa en kashiobiuki kusu ne; [Sera.] Kamui anak ne koro omap-an-ramuhauge-i newa sonep sange kusu ne na.

⁴ Ku ramat anak ne shishi tumugeta an; Uhuye wa okai utara tumugeta ku hotke, Nei utara anak ne Ainu poho ne, aige, koro nimaki op newa ai ne, Koro parumbe een emush ne ruwe ne.

⁵ Aa Kamui nishoro kashita yairikande yan; Moshirʼebitta kashita E koro nupeki ashte wa en kore.

⁶ Nei utara anak ne ku chikiri gusu ya etoko-oiki nisa; Ku ramat anak ne ahotkure: Nei utara en kotchaketa shui ohori; Awa, yaikata nei oshiketa hachiri nisa ruwe ne na. [Sera.]

⁷ Aa Kamui, ku keutum atte wa an, ku keutum atte wa an: Shinotcha ku ki kusu ne, ruwe newa, ramye shinotcha ku ki kusu ne na.

⁸ Ku nupeki, mosh yan; iyohaichish rektep newa koto, mosh yan: Kuani yaikata ara tunashino ku mosh kusu ne na.

⁹ Aa Utarapa, utara tumugeta E ko-yaiiraige ash na: Moshiri uirup tumugeta ramye shinotcha E orun ku ki kusu ne na.

¹⁰ E koro rampoken kando pakno porope ne. E koro sonep nishoro pakno an ambe ne.

¹¹ Aa Kamui, nishoro kashita yairikande yan; Moshirʼebitta kashita E koro nupeki ashte yan.