Iyohaichish 53 - Ashiri Aeuitaknup Iyohaichish Yona 1897

53. Iyohaichish.

Shinotcha esapane guru gusu. Mahatat otta; Dabid kara Maskir.

¹ KAMUI isam, sekoro haita guru anak ne koro keutum ta ye nisa ruwe ne. Nei utara wen-buri ki wa turu-ush newa aetunnep ne; Pirikap ki guru isam ruwe ne.

² Kamui hunara guru an a? Wayashnup ki guru an a? Nukara kuni gusu Kamui kando orowa utara poho orun herashi inganʼ nisa.

³ Nei utara obitta pishno hoshippa; shine ikinne turuushbe ne; Pirikap ki guru anak ne isam, shinen ka isam ruwe ne.

⁴ Irarape iki utara nep ne yakka erampeutek ruwe he an? Nei utara aep e korachi ku utara ibe, Orowa, Kamui nishuk shomoki ruwe ne.

⁵ Ashitomap isam ushiketa nei utara ishitoma nisa: Kamui anak ne e nikkotama epokba guru koro pone charichari nisa ruwe ne gusu ne na; Kamui nei utara emakba gusu, aokai anak ne nei utara yainikoroshmare nisa ruwe ne.

⁶ Aa Zion orowa no Israeru kashiobiukip hopuni humi! Kamui anak ne koro utara teke-apashte an i wano hoshippare chiki, Nei ita anak ne Yakob nupetne, Israeru yaikopuntek kusu ne na.