Iyohaichish 47 - Ashiri Aeuitaknup Iyohaichish Yona 1897

47. Iyohaichish.

Shinotcha esapane guru gusu; Kora poho kara Iyohaichish.

¹ AA obitta no okai utara, tek orip yan; Annokara an hau ani Kamui orun kohawe ashte yan.

² Inambe gusu ne yakun, iyotta rikun Ehoba anak ne ashitomap ne; Moshirʼ ebitta poro esapanep ne ruwe ne na.

³ Shinuma anak ne un gusu inne utara annokara wa Moshiri uirup chikoro chikiri choropoketa are ruwe ne.

⁴ Un gusu eikeshkorobe numge kusu ne, Shinuma omap Yakob koro pirikap ne.

⁵ Kamui anak ne hawe ashte wa rikin nisa, Ehoba anak rappa humi koro wa rikin nisa ruwe ne.

⁶ Ramye shinotcha ani Kamui koiramye yan: Akoro Esapanep otta ramye shinotcha ki, ramye shinotcha ki yan.

⁷ Kamui anak ne moshirʼ ebitta esapanep ne: Eramu an no ramye shinotcha ki yan.

⁸ Kamui anak ne moshiri uirup esapane ruwe ne: Kamui anak koro ashkanne amset kata a ruwe ne na.

⁹ Utara esapane utara anak uwekarapa wa okai, Abraham koro Kamui koro utara ne:

¹⁰ Moshiri ta okai kikhumbe anak ne Kamui korope ne; Shinuma shi no ariknare wa an ruwe ne gusu ne na.