Iyohaichish 29 - Ashiri Aeuitaknup Iyohaichish Yona 1897

29. Iyohaichish.

Dabid kara iyohaichish.

¹ KAMUI poho ne echi utara, Ehoba otta, Ehoba otta nupeki newa kiroro yange yan.

² Shinuma reihei gusu an kuni nupeki, Ehoba otta kore yan; Ashkanne utomchiurep koro wa Ehoba ko-ongami yan.

³ Ehoba hawe anak ne wakka kata an; Inne wakka kata rok Ehoba ne nupeki Kamui anak ne. Kamui-hum ashte ruwe ne

⁴ Ehoba koro hawehe anak ne kiroroashnup ne: Ehoba koro hawe araguru ne ruwe ne.

⁵ Ehoba hawehe anak ne shungu-ni kaye, Ruwe un, Ehoba anak Rebanon un shungu-ni humne pereke ruwe ne.

⁶ Pon beko korachi nei ambe terekere; Puri yupke upen beko korachi Rebanon newa Sirion terekere ruwe ne.

⁷ Ehoba hawehe anak ne abe-nui otuye ruwe ne.

⁸ Ehoba hawe nup iuninkare; Kadesh nup Ehoba iuninkare shiriki.

⁹ Ehoba hawe anak ne momambe iuninkare, Samata, nitai tusare ruwe ne: Shinuma kora kenru ta obitta no okaibe anak, Araguru, ari ye ruwe ne.

¹⁰ Ehoba anak ne pesambe kata rok; Ruwe un, Ehoba rok wa hembara pakno ne yakka Moshiri shikkashima ruwe ne.

¹¹ Ehoba anak ne koro utare otta kiroro koropare; Itomo irenga ani Ehoba anak koro utara nunuke kusu ne na.