Iyohaichish 28 - Ashiri Aeuitaknup Iyohaichish Yona 1897

28. Iyohaichish.

Dabid karape.

¹ AA Ehoba, E orun ku konishuk kusu ne; Ku Watara, iteki en eashpa wa en kore; En otta Aokai shomo itak yakun, Shui otta rap utara ku koheraye kusu ne gusu ne na.

² Hawe ku ashte ita, E koro ashkanne ushike orun teke ku puni ita, Ku koramkoro itak hawe nu wa en kore.

³ Wen utara newa katpak ki utara tura Iteki a en shirende kuni ne kara wa en kore; Nei utara anak ne aota un utara otta itomo itak ye, Koroka, keutum ta wenbe an ruwe ne.

⁴ Nei utara ikichi nei no, koro iki wenbe an nei no kore wa en kore; Teke ani karape apakari wa Koro kunip koropare wa en kore.

⁵ Nei utara anak ne Ehoba ki ikip esanniyo shomoki, Shinuma teke ani akarape shomo esanniyo gusu, Nei utara aisamka wa shomo aroshkire kusu ne na.

⁶ Ehoba anak ne anunuke ne, Ku ki koramkoro itak hawe nu nisa ruwe ne gusu ne na.

⁷ Ehoba anak ne ku goro kiroro ne ku kikhumbe ne; Ku keutum anak ne Shinuma gusu eyaikopashte nisa ruwe ne, awa, a en kashiobiuki ruwe ne: Tambe gusu, ku keutum poron no nupetne; Ku goro shinotcha ani Shinuma orun ku reika kusu ne na.

⁸ Ehoba anak ne nei utara kiroro ne, Koro shum kashiaota guru gusu an tumashnu kashiobiuki chashi ne ruwe ne.

⁹ E koro utara kashiobiuki, E koro eikeshkoro utara nunuke; Samata, nei utara ibere, otusashuishiri pakno ne yakka rikoshma wa en kore.