Iyohaichish 26 - Ashiri Aeuitaknup Iyohaichish Yona 1897

26. Iyohaichish.

Dabid karabe.

¹ AA Ehoba, oheuge sak no ku apkash gusu, en koipishi wa en kore; Utumashi shomoki no Ehoba gusu ku eyaikopashte nisa ruwe ne.

² Aa Ehoba, en pishi wa en esanniyo wa en kore; Ku keutum newa kinop shiruwande wa en kore.

³ E sange omap an ramuhauge-i anak ne ku shik samata an; Orowa, E koro sonep otta ku apkash nisa ruwe ne gusu ne na.

⁴ Irara utara tura shomo ku a nisa; Shui, kokandama ki utara ukoiram no shomo ku ahun kusu ne.

⁵ Wen utara uwekari ku etunne, Orowa, akokatpak utara tura ku a shomoki kusu ne.

⁶ Turu sakbe ani ku tekehe ku furaye kusu ne; Ene ku an wa, aa Ehoba, E koro yange set orun ku oman kusu ne na:

⁷ Yaiiraige hau ku ashte kuni gusu, Samata, E ki aeiyokunnure ikip anure kuni gusu ne na.

⁸ Aa Ehoba, otta E oshiroma kenru, Otta E nupeki an ushike ku omap ruwe ne.

⁹ Akokatpak utara otta iteki ku keutum arapare; Kem un utara otta iteki ku ramat omande wa en kore:

¹⁰ Nei utara koro teke otta irarape okai, Koro shimon teke wairo ani aeshik wa an ruwe ne.

¹¹ Koroka, kuani anak ne oupeka no ku apkash kusu ne: En kikiraye, pirika irenga sange wa en kore.

¹² Ku kema anak ne kaptek ushiketa ash: Uwekari otta Ehoba ku iramye kusu ne na.