Iyohaichish 20 - Ashiri Aeuitaknup Iyohaichish Yona 1897

20. Iyohaichish

Shinotcha rekte esapane guru gusu, Dabid kara Iyohaichish.

¹ AOKAI anak ne yairamhekomo an toko ta Ehoba nu; Yakob koro Kamui kon reihei ri ushike ta e ande;

² Ashkanne ushiketa rok wa e kashiobas; Sion otta okai wa eukopashte;

³ Obitta no okai e yange ayangep eshikarun, E uhuyeka ayangep orun nukara; [Sera.]

⁴ Keutumta e kon rusuibe koropare. Aokai esanniyo ambe obitta uweomare kuni akoramkon na.

⁵ E koro kashiobiuki-hi gusu chi utara enupetne, Akoro Kamui reihei gusu koro inushuyep aroshki kusu ne; E ki inonno-itak nei no Ehoba kara kuni akoramkon na.

⁶ Ehoba anak ne koro kashiaotap kashiobiuki ruwe ne sekorʼambe tane ku eraman; Koro ashkanne kando ta rok wa Koro shimon teke oma kashiobiuki gusu an kiroro ani ese itak anure kusu ne.

⁷ Nishinda eyaikopashte utara okai, umma eyaikopashte utara ka okai; Koroka, chi utara anak ne akoro Ehoba ne Kamui kon reihei chi ye kusu ne na.

⁸ Shinuma utara anak ne ikkeu komo wa hachiri: Koroka, chi utara anak hopumba bine ikkeu turi wa ash ruwe ne.

⁹ Aa Ehoba, moshiri esapane guru kashiobiuki; Hawe chi ashte ita un nu wa un kore.