Iyohaichish 144 - Ashiri Aeuitaknup Iyohaichish Yona 1897

144. Iyohaichish.

Dabid kara iyohaichish.

¹ KU watara ne Ehoba anak ne anunuke ne, Ku teke tumi koro kuni, Ku ashikepet ukoiki kuni epakashnu ruwe ne na:

² Shinuma anak ne Ku goro omap-an-ramuhauge ambe ne, Ku goro chashi ne, en koshiobiukip ne; Otta ku eyaikopashte ku tam-kikhumbe ne ruwe ne. Ku shikkashima utara en koitaknure Kamui ne ruwe ne.

³ Aa Ehoba, Aokai esanniyo kuni gusu, ainu anak ne nekon a ambe ne ya? Aokai ramepakari gusu ainu poho anak ne nekon a ambe ne ya?

⁴ Ainu anak ne paha nepkoro ne: Koro toho anak ne nin wa paye kurihi korachi ne ruwe ne.

⁵ Aa Ehoba E koro kando koreuba hine ran wa en kore: Nupuri tomo-oshma, yakun shupuya at kusu ne.

⁶ E koro imeru atte wa nei okaibe chari, E koro ai sange hine kirare wa en kore.

⁷ Kashike wano E teke turi; En kaobiuki wa poro wakka orowa no en ohaitare, Oya un utara orowa no en shishire wa en kore;

⁸ Nei utara paroho raka-sakbe oashinge, Koro shimon-tek otta shungep an na.

⁹ Aa Kamui, E orun ashiri shinotcha ku shinotcha ki: Wan ka at arektep kashita shinotcha ku ki kusu ne na.

¹⁰ Moshiri shikkashima utara kashiobiukip anak ne Shinuma ne: Shinuma anak iwende rangetam orowa no koro uitek guru ne Dabid ohaitare ruwe ne.

¹¹ En kashiobiuki wa oya un utara koro teke wano en ohaitare wa en kore, Nei utara koro paroho anak ne raka isambe ye, Orowa, koro shimon-tek anak ne shungep oma shimon-tek ne ruwe ne.

¹² Chikoro okkai poho anak ne shukup wa rupne chikuni ne ita; Orowa, chikoro matnepo chashi orun shikkeu shuma nepkoro ne akara ita;

¹³ Shui, usa okai riya aep ani chikoro pu eshik ita; Chikoro hitsuji chikoikip anak ne akoro mimdara ta shiri poron no usapki ita;

¹⁴ Orowa, chikoro beko shiri inne topaha ashikore ita; Samata, aepokba wa ahui-shiri soyui-shiri ambe isam, Orowa, sakayo hawe isam ita anak ne;

¹⁵ Nei ita, nei no okai utara anak ne anunuke ne: Ehoba ani Kamui ne koro utara anak ne anunuke ne ruwe ne na.