Iyohaichish 141 - Ashiri Aeuitaknup Iyohaichish Yona 1897

141. Iyohaichish.

Dabid kara Iyohaichish.

¹ AA Ehoba, E orun ku konishuk, awa, chashnu no en kaobiuki wa en kore: E orun ku konishuk ita, ku goro hawe nu wa en kore.

² Senko korachi E kotchaketa ku ki inonno-itak yan kuni kara wa en kore; Ku teke ku rikipuni ambe anak ne onuman ayange kunip nei no uk wa en kore.

³ Aa Ehoba, ku paro samta eyoko guru ande, Ku papush apa shikkashima wa en kore.

⁴ Irarape ikichi utara tura Wen-buri iteki ku ki kuni ne, Ku keutum anak wenbe orun shomo epeka kuni ne kara wa en kore; Orowa, nei utara koro shisakbe shomo ku ibe kuni ne kara wa en kore.

⁵ Oupeka guru en shirikik chiki, ramuhaugep ne; Shinuma en pakashnu yakun, ku sapa kata shum aota korachi ne; Ku sapa anak ne shomo nei ambe eshishi: Inambe gusu ne yakun, tane ne yakka ku ki inonno-itak nei wenbe gusu an na.

⁶ Koro koipishi utara anak ne watara samta ahachire wa okai; Orowa, nei utara ku itak nu kusu ne; shisakbe ne ruwe ne gusu ne na.

⁷ Nenka toitoi pushu wa toi tuye korachi, Akoro ponehe Sheol paro samta chichari wa an na.

⁸ Aa Ehoba ne Utarapa, ku shiki anak ne E otta an: E orun eyaikopashte gusu, iteki ku ramat atusa no ande wa en kore,

⁹ Nei utara en gusu ande kutek orowa no en ohaitare, Shui, irarape ikichi utara koro akbe en shishire wa en kore.

¹⁰ Kuani anak nei okaibe ku eshishi rapoketa, Wen utara anak ne yaikota ande ya otta hachire wa en kore.