Iyohaichish 137 - Ashiri Aeuitaknup Iyohaichish Yona 1897

137. Iyohaichish.

¹ ZION kotan chi eshkarun ita, Babironia moshiri ta okai pet samata, Nei ushiketa chi rok nisa, ruwe un, chish ash nisa ruwe ne na.

² Nei ushiketa okai susu-ni kata Koro rektep chi shiriokte nisa ruwe ne.

³ Nei ushiketa un tekepashte utara anak ne un shinotcha kire rusui, Orowa, un ramusarakka utara ayairamuritetkere kuni kon rusui wa, ene itak hi: Zion kotan un shinotcha shinep ki wa un kore yan, ari itak.

⁴ Hemanda oya moshiri ta Ehoba shinotcha chi ki kusu ne ya?

⁵ Aa Yerusarem kotan, kuani e oira yakun, Ku shimon-tek ne yakka koro kiroro oirare yan.

⁶ E eshkarun shomoki chiki, Moshima okaibe gusu kasu no kuani aokai gusu enupetne shomoki chiki, Ku goro parumbe anak ku pannikotoro ta kotukkare yan.

⁷ Aa Ehoba, Yerusarem kotan an toho ta, Nei kotan hokushte yan, Asamaha pakno hokushte yan, ari an itak ani ye Edom koro poho ipak gusu eshkarun wa un kore.

⁸ Aa Babironia matnepo, aokai anak ne aeiwende kusu ne; Aokai un orun iki korachi E orun ne yakka tasa iki gurʼanak ne anunuke ne kusu ne.

⁹ E koro nokan utara uina wa watara ekik gurʼanak ne Anunuke ne ruwe ne kusu ne na.