Iyohaichish 135 - Ashiri Aeuitaknup Iyohaichish Yona 1897

135. Iyohaichish.

¹ YAH ramye yan. Ehoba kon reihei ramye yan; Ehoba koro uitek utara shinuma ramye yan.

² Ehoba kora kenru ta roshki utara, Chikoro Kamui kora kenru mimdara ta roshki utara Shinuma ramye yan.

³ Yah ramye yan, Utarapa pirika ruwe ne gusu ne na: Shinuma kon reihei otta iramye shinotcha ki yan; nei ambe anak ne pirika ruwe ne gusu ne na.

⁴ Yah anak ne yaikota gusu Yakob numge nisa, Orowa, koro nupurupe ne kuni gusu Israeru numge nisa ruwe ne.

⁵ Ehoba anak ne pase ne, Obitta no okai Kamui kasu no pase ruwe ne, sekoro ku eraman ruwe ne gusu ne na.

⁶ Kando newa toi otta ne yakka, atui newa obitta no okai ooho-i otta ne yakka Ehoba anak ne koro keutum rengaine nep ne yakka ki nisa ruwe ne.

⁷ Moshiripa wano moshirigesh wano Shinuma anak ne paha rikinde; Apto gusu Shinuma imeru kara; Koro pu wano rera oashinge ruwe ne.

⁸ Shinuma anak ne Echipt ta okai kiyanne guru, Ainu ne yakka chikoikip ne yakka shirikik nisa.

⁹ Aa Echipt, Shinuma anak ne e tumugeta shirosh newa iyokunnurep sange, Parao newa koro uitek utara kata nei no ki nisa.

¹⁰ Shinuma inne moshiri uirup shirikik, Orowa, okirashnu moshiri esapane utara ronnu nisa ruwe ne.

¹¹ Amor un utara shikkashima Sihon, Bashan un utara shikkashima Og, Samata, Kanaan moshiri ta ohitta no okai uirup shirikik nisa ruwe ne na:

¹² Orowa, Shinuma nei utara koro moshiri aeikeshkoro gusu kore, Koro utara ne Israeru un utara eikeshkoro nisa ruwe ne.

¹³ Aa Ehoba, E kon reihei ramma pakno an; Aa Ehoba, otusashuishri pakno utara E eshkarun ruwe ne na.

¹⁴ Ehoba anak ne koro utara koipishi kusu ne, Orowa, koro uitek utara gusu yaikoshiramshuiba kusu ne na.

¹⁵ Utara koro potoki-noka anak ne shirokani newa kongani ne, Ainu teke ani a kan ruwe ne.

¹⁶ Nei okaibe paro koro koroka shomo itak; Shikihi koro, koro ingara eaikap;

¹⁷ Kisara koro, koroka, shomo nu, Shui, kon netobake ta heisepa isam ruwe ne.

¹⁸ Nei okaibe kara utara nei ambe aukoherayere kusu ne; Ruwe un, nen ne yakka nei okaibe otta eyaikopashte guru ene ani ne kusu ne:

¹⁹ Aa Israeru chisei un utara, Ehoba ramye yan: Aa Aaron chisei un utara, Ehoba ramye yan.

²⁰ Aa Rebi chisei un utara, Ehoba ramye yan; Ehoba koishitoma echi utara, Utarapa ramye yan.

²¹ Zion wano Ehoba ramye yan, Shinuma Yerusarem kotan ta oshiroma ruwe ne. Yah ramye yan.