Iyohaichish 126 - Ashiri Aeuitaknup Iyohaichish Yona 1897

126. Iyohaichish.

¹ EHOBA anak ne Zion orun hekomba utara hoshippare ita, Wendarap ki utara korachi chi ne ruwe ne.

² Nei ita chikoro parobo anak ne minap ani shikno wa okai, Chikoro parumbe anak shinotcha ani aeshik nisa ruwe ne: Nei rapoketa moshiri uirup tumugeta ene hawe oka-hi:— Ehoba anak ne nei utara gusu porobe kali nisa.

³ Ehoba anak ne chi utara gusu porobe kan nisa; Chi utara yainuchattek ruwe ne.

⁴ Pikata wano san pet nei no, Tekeapashte wa okai chikoro utarihi hoshippare wa un kore.

⁵ Nupe yaikorange wa piyehe etoita utara anak ne nupetne no nange kusu ne.

⁶ Nei guru anak ne chish hine piyehe op koro wa arupa yakka, Yaikopuntek hine koro tantuka amba wa hoshipi kusu ne na.