Iyohaichish 123 - Ashiri Aeuitaknup Iyohaichish Yona 1897

123. Iyohaichish.

Payekai shinotcha.

¹ E ORUN ku shikihi ku hepuni, Aa Kando otta rok Aokai!

² Ingarʼan, auitek utara koro shikihi anak ne kon nishpa koro teke orun ingara korachi, Auitek-mat utara koro shikihi anak ne chisei koro katkimat orun ingara korachi, Shinuma un orun irenga sange wa kore pakno, Chikoro shikihi chikoro Kamui ne Ehoba orun inganʼ ruwe ne.

³ Pirika irenga sange wa un kore, aa, Ehoba, pirika irenga sange wa en kore: Chi utara anak ne aesapse-i ani ara aeshikte wa okai ruwe ne gusu ne na.

⁴ Irammakaka okai utara sange esapse-i newa, Pakesara utara emina ambe ani, Chi kon ramat ara aeshikte wa okai ruwe ne na.