Iyohaichish 12 - Ashiri Aeuitaknup Iyohaichish Yona 1897

12. Iyohaichish.

Shinotcha rekte esapane guru orota, Sheminit gusu Dabid kara Iyohaichish.

¹ AA Utarapa, kashiobiuki wa en kore; ashkanne guru tane isam ruwe ne gusu ne na; Ainu poho tumugeta so-ne an guru aokere nisa ruwe ne.

² Aun utara tura ohap uwepekere: Chiinrarakka patoi newa tu keutum o wa itak ruwe ne.

³ Ehoba anak ne obitta no okai chiinrarakka patoi isamka, Porobe ye parumbe otuye kusu ne.

⁴ Nei utara ene itak-hi:— Parumbe ani annokara ash kusu ne; Patoi anak chi korobe ne: un nishpane guru nen ne ruwe he an? ani itak.

⁵ Otek-sak utara aeiwende, irapokkari utara anuwapte gusu, Tane ku hopuni kusu ne, ari an itak ani Ehoba ye kusu ne; Orun nei utara hussa chiukosamba guru Shinuma kashiobiuki kusu ne na.

⁶ Ehoba korʼitak anak ne ashkanne itak ne; Toitoi abe sokot oshiketa aturu-sakte shirokani; Arawan-shuine apekashnure shirokani korachi ne ruwe ne.

⁷ Aa Ehoba, Aokai anak ne nei utara shikkashima, Tane wano otusashuishiri pakno ne yakka nei utara E koshiratki kusu ne na.

⁸ Ainu poho tumugeta wen-ikikip ayairire chiki Wen utara shikapneka no apkash kusu ne ruwe ne na.