Iyohaichish 118 - Ashiri Aeuitaknup Iyohaichish Yona 1897

118. Iyohaichish.

¹ AA Ehoba koyaiiraige yan; Shinuma pirika ruwe ne gusu ne na: Orowa, Shinuma koro rampoken otusashuishiri pakno epa ruwe ne.

² Israeru un utara, Shinuma koro rampoken otusashuishiri pakno epa ruwe ne ari ye yan.

³ Tane Aaron kot chisei, Shinuma koro rampoken otusashuishiri pakno epa ruwe ne ari ye yan.

⁴ Ehoba koishitoma utara tane, Shinuma koro rampoken otusashuishiri pakno epa ruwe ne ari ye yan.

⁵ Ku yairamhekomo ita Yah ku konishuk nisa: Orowa poro ushiketa Yah en orun ese nisa ruwe ne.

⁶ Ehoba en tura no an; ku ishitoma shomoki kusu ne: En orun ainu anak ne hemanda ki eashkai ya?

⁷ En ikashui utara tura Ehoba anak ne en tura no an: Tambe gusu, akon rusuibe en epokba utara epeka no an ap ku nukara kusu ne na.

⁸ Ainu eishokoro kasu no Ehoba eyaikopashte-hi anak ne pirika ruwe ne

⁹ Moshiri esapane utara eishokoro kasu no Ehoba eyaikopashte-hi anak ne pirika ruwe ne.

¹⁰ Obitta no okai moshiri uirup en nikkotama nisa: Ehoba reihei ankushkerai son no ku ushtekka kusu ne.

¹¹ Nei utara en okari nisa; ruwe un, en okari nisa: Ehoba reihei ankushkerai kuani son no nei utara ushtekka kusu ne.

¹² Soyai korachi nei utara en nikkotama nisa; aiush ni tumugeta an abe nei no nei utara aisamka: Ehoba reihei ankushkerai son no ku ushtekka kusu ne na.

¹³ En hachire kuni ne aokai anak ne shiyuppa no en oputuye. Koroka, Ehoba anak ne en kashiobiuki nisa ruwe ne na.

¹⁴ Yah anak ne ku kiroro newa ka shinotcha ne; Shinuma en kashiobiukip ne ruwe ne.

¹⁵ Oupeka utara koro kash upshorota nupetne hau newa kashiobiuki ambe an: Ehoba koro shimon teke anak ne rametokkorobe ki ruwe ne.

¹⁶ Ehoba koro shimon teke ri: Ehoba koro shimon teke anak ne rametokkorobe ki ruwe ne

¹⁷ Shomo ku iai kusu ne, koroka, ku shiknu wa Yah ki ikip assuru ashte kusu ne na.

¹⁸ Yah anak ne poron no en shirikik nisa; Koroka, shomo ku iai kuni kan nisa ruwe ne.

¹⁹ En gusu oupeka apaha sarare: Nei apa kari ku ahun, Yah koyaiiraige ku ki kusu ne na.

²⁰ Tambe anak ne Ehoba koro apa ne; Oupeka utara nei apa kari ahun kusu ne na.

²¹ Aokai anak ne en orun ese itak hene ki. En kashiobiuki hene ki nisa ruwe ne gusu E orun koyaiiraige ash kusu ne.

²² Chisei kara utara emaka shuma anak ne Shikkeu sapane shuma ne akan na.

²³ Tambe anak ne Ehoba ki ikip ne; Awa, chi shik samata iyokunnure ambe ne ruwe ne.

²⁴ Tan to anak ne Ehoba kara toho ne; Chi utara nei toko gusu nupetne wa yainuchattek kusu ne na.

²⁵ Aa Ehoba, nekon ka newa, tane un kashiobiuki wa un kore Aa Ehoba, nekon ka newa, tane un pirikare wa un kore.

²⁶ Ehoba reihei ankushtap ne ek gurʼanak ne anunuke ne: Ehoba kora kenru wano chi utara echi nunuke ash nisa ruwe ne na.

²⁷ Ehoba anak ne Kamui ne, orowa, Shinuma un pekereka nisa: Yange-set koro kirawe otta tush ani ayange kunip kote yan.

²⁸ Aokai anak ne ku goro Kamui ne, kuani e orun koyaiiraige na: Aokai ku goro Kamui ne, kuani E pasere kusu ne na.

²⁹ Ehoba koyaiiraige yan, Shinuma anak ne pirika ruwe ne gusu ne na: Orowa, Shinuma koro rampoken irenga otusashuishiri pakno an na.