Iyohaichish 116 - Ashiri Aeuitaknup Iyohaichish Yona 1897

116. Iyohaichish.

¹ KU ki inonno-itak newa ku hawe anu gusu Kuani Ehoba ko-omap nisa ruwe ne.

² Shinuma en orun koro kisara atte gusu, Tambe gusu, moshiri kohoppa pakno Shinuma otta ku konishuk kusu ne.

³ Bai gusu an tush en okari nisa, Awa tushiri gusu an iuninbe en kishima nisa: Ku ramu-oknatara newa yairamhekomo nisa ruwe ne na.

⁴ Nei ita Ehoba reihei orun ku konishuk; Aa Ehoba, nekon ka newa, ku kon ramat ohaitare wa en kore.

⁵ Ehoba anak ne pirika irenga koro wa oupekap ne; Ruwe newa, chikoro Kamui anak ne rampokiwen wa kore Kamui ne ruwe ne.

⁶ Ehoba anak ne ramusak utara koshiratki ruwe ne: Kuani aeyaisambepokashtere, awa, Shinuma en kashiobiuki.

⁷ Aa ku kon ramat, E koro shini gusu an ushike otta hoshipi yan; Ehoba anak ne eani gusu nuye an no ki nisa ruwe ne gusu ne.

⁸ Aokai anak ne rai-i orowa no ku kon ramat shiknure, Ku shiki wano nupe isamka, Iteki ku hachiri i kuni ne ku kema kashiobas nisa ruwe ne gusu ne na.

⁹ Shiknu pito moshirʼotta Ehoba kotchaketa ku apkash kusu ne.

¹⁰ Ku eishokon nisa, tambe gusu, itak ku ki ruwe ne: Poron no ku shirikirap nisa;

¹¹ Shiri etushtek ku ki wa Obitta no okai ainu anak ne shunge ki utara ne, sekoro ku itak.

¹² Ehoba en orota koropare pirikap gusu Shinuma otta nekon a ambe ani imommuye kusu ne ruwe he an?

¹³ Kuani kashiobiuki kuni itangi ku uk wa, Ehoba reihei konishuk kusu ne.

¹⁴ Ehoba gusu ku ki ukoramkorobe ku kara kusu ne, Ruwe newa, Shinuma koro obitta no okai utara kotchaketa ku ki kusu ne na.

¹⁵ Ehoba shik-samata Shinuma koro Ashkanne utara rai-ambe anak ne Aoshkoro nupurube ne ruwe ne.

¹⁶ Aa Ehoba, son no newa Kuani anak ne E koro uitek guru ku ne; E koro uitek guru ku ne, E koro uitek-mat koro poho ku ne ruwe ne; Aokai anak ne ku goro tupetupep pita nisa ruwe ne na.

¹⁷ Koyaiiraige an yange kunip E otta ku yange kusu ne, Ehoba kon reihei ku konishuk kusu ne na.

¹⁸ Ehoba gusu ku ki ukoramkoro ambe ku kara kusu ne, Ruwe newa, Shinuma koro obitta no okai utara kotchaketa ku ki kusu ne na;

¹⁹ Ehoba kora kenru ta an tumbu ta, Aa Yerusarem, E upshororogeta ku ki kusu ne. Utarapa koiramye yan.