Iyohaichish 113 - Ashiri Aeuitaknup Iyohaichish Yona 1897

113. Iyohaichish.

¹ YAH ramye yan. Ehoba uitek utara, Shinuma ramye yan, Ehoba kon reihei ramye yan.

² Tewa no otusashuishiri pakno, Ehoba kon reihei anunuke ne ruwe ne.

³ Moshiripa pakno moshirigesh pakno Ehoba kon reihei airamye ne.

⁴ Ehoba anak ne obitta no okai moshiri uirup kashita ri ushiketa rok, Shinuma koro nupeki kando kashita an ruwe ne.

⁵ Ri ushiketa set koro wa, Kando otta an okaibe hene moshiri otta an okaibe hene,

⁶ Nukara kuni yaikota yaieoripakka Chikoro Kamui ne Ehoba ukoheraye guru nen ne ruwe he an?

⁷ Koponchi wa Shinuma otek-sak utara yange, Temmun epunipushbe orowa no irapokkari utara etaye;

⁸ Nei ambe anak moshiri esapane guru koro poho tumugeta ande, Utara koro esapane guru poho tumugeta ande kuni gusu ne na.

⁹ Shinuma anak ne po-sak shiwentep chisei shikkashimare, Yainuchattek no poho koro habo ne kan ruwe ne. Yah ramye yan.