Iyohaichish 108 - Ashiri Aeuitaknup Iyohaichish Yona 1897

108. Iyohaichish.

Shinotcha, Dabid kara iyohaichish.

¹ AA Kamui, ku goro keutum aatte wa an na; Shinotcha ku ki, ruwe un, ku oripak an no iramye shinotcha ku ki kusu ne na.

² So newa koto, mosh yan: Kuani yaikota aro kunneiwano ku mosh kusu ne.

³ Aa Ehoba, uirup utara tumugeta E orun koyaiiraige ku ki: Moshiri uirup tumugeta E orun iramye shinotcha ku ki kusu ne na.

⁴ E koro rampoken anak ne kando kashiketa an, E koro sonep kando pakno epa ruwe ne gusu ne na.

⁵ Aa Kamui, kando kashiketa aeyaiepasere yan: Moshiri kashike e koro nupeki riknare yan.

⁶ E koro omap an ambe aohaitare kuni ne, E koro shimon-tek ani kashiobiuki wa, un orun ese wa un kore.

⁷ Kamui anak ne koro Ashkanne ushike wano itak ki; ku ramu ku rire kusu ne: Shekem ku usaraye, Sukkot pinnai ku pakari kusu ne.

⁸ Kiriad anak ne ku korope ne; Manasse ku korobe ne; Epraim ka ku sapaha tam-kikhumbe ne; Yuda anak ne ku koro ipawetenge sangep ne ruwe ne.

⁹ Moab anak ne ku goro yashke patchi ne; Edom orun ku keirehe ku osura kusu ne: Piristia kashiketa hawe ku ashte kusu ne na.

¹⁰ Chashi koro machiya orun en ahunge guru hunna? Edom orun en tura guru nen ne ruwe?

¹¹ Aa Kamui, Aokai anak ne un emakba shomoki ruwe? Aa Kamui, Aokai anak ne chikoro topaha tura shomo arapa ruwe ne.

¹² Okai un epokba utara gusu un kashiobiuki wa un kore: Ainu ikashiu kuni ambe anak ne raka isambe ne ruwe ne gusu ne na.

¹³ Kamui ankushkerai chi utara rametok no iki kusu ne: Shinuma anak ne un epokba utara otereke kusu ne gusu ne na.