Iyohaichish 101 - Ashiri Aeuitaknup Iyohaichish Yona 1897

101. Iyohaichish.

Dabid kara iyohaichish.

¹ KUANI rampoken newa aesanniyop gusu shinotcha ki kusu ne: Aa Ehoba E orun ramye shinotcha ku ki kusu ne na.

² Kuani oupeka an ruhu gusu yaiwayashnure kusu ne: Aa hembara Aokai en orun ek kusu ne ya? Kuani oupeka keutum koro wa ku kot chisei upshoro ta apkash kusu ne na.

³ Ku shik-samata yashitoma kuni ambe shomo ku ande kusu ne: Oheuge ne paye utara ki ikip ku etunne; Nei okaibe en kotuk shomoki kusu ne.

⁴ Itakkashi keutum oyake un apayere: Wen guru shomo ku eamkiri rusui.

⁵ Arorokishne no aun guru ohaigekara guru ku isamka kusu ne: Etu mekka rire wa pakesara keutum koro guru an kuni ku kopan ruwe ne.

⁶ En tura no oshiroma kuni ne ku shikihi anak ne moshiri kata okai ikipniukesh utara kashike an: Oupeka ruhu otta apkash guru anak ne en otta yaishieiwangere kusu ne.

⁷ Kokandama ambe iki guru anak ne ku kot chisei ta shomo oshiroma kusu ne: Shungep ye guru anak ne ku shik-samata shomo aashte kusu ne na.

⁸ Kes kunneiwano range moshirʼotta okai wen utara obitta ku isamka; Ehoba koro machiya wano obitta no okai irarape ikichi utara ku otuyeba kusu ne na.