II Korintos 9 - Ashiri Aeuitaknup Iyohaichish Yona 1897

9 Ik.

¹ Ashkanne utara otta yaishieiwangere ambe gusu ku nuye katu anak ne echi utara gusu ikashima an ambe ne ruwe ne:

² inambe gusu ne yakun, echi ki rusui kat ku eraman, aige, echi utara gusu Makedonia kotan un utara otta ku yaiomonnure ki, awa, Akaya kotan anak shine pa etoko wano etokooiki pakno ne; samata, echi koro seisek no iki keutum anak ne nei utara tumta okai inne utara paraparasere nisa ruwe ne gusu ne na.

³ Koroka, tapne ambe gusu ech utara ankushtapne an chi ki yaiomonnure ambe anak ne ika raka asakte kuni ne echi orun iriwak utara ku arapare nisa ruwe ne; tambe anak, ku ye-hi korachi, echi utara etokooiki an okere kuni gusu an ambe ne:

⁴ ikineipeka nekon a, Makedonia moshiri wano en tura no araki utara oka wa, shomo echi etokooiki an ambe anukara chiki, chi utara anak ne (echi utara, shomo chi ye na) tap an ikkewe gusu shomo aeyainikoroshmare kuni ruwe ne.

⁵ Tambe gusu, onishnishi ku ki wa, iriwak utara anak ne etokota echi orun paye hine etoko wano echi eitakamkire eikrap hoshiki no akare kuni ambe anak ku ki kunip ne sekoro ku esanniyo nisa; nei ambe anak ne aetokooiki wa an korarape ne-hi aeyaikoshipuinere an ambe nei no an ambe shomo nep kuni gusu ne na.

⁶ Koroka, tambe ku ye-hi :— Shihopinupka wa etoita gurʼanak ne shihopinupka no nange kusu ne, eikanno etoita gurʼanak ne eikanno nange kusu ne na.

⁷ Echi utara yaikota yaikota koro keutum ta esanniyo korachi ki yan; sambe oknatara shomo ne no, asangere gusu shomo ne no ki yan, Kamui auak ne nupetne no koropare guru omap ruwe ne gusu ne na.

⁸ Orowa, Kamui anak ne obitta no okai irenga echi utara gusu nuye an no kara eashkai; tambe anak, nep ne yakka gusu ramma-kane echi ara yaiyainuwere hine obitta no okai pirika ikip otta nuye an no iki kuni gusu ne ruwe ne:

⁹ Ene chieshinnuye wa an korachi ne :— Shinuma anak ne chieshitchari otek-sak guru orota koropare nisa ruwe ne; Shinuma koro oupeka ambe anak ramma pakno an kusu ne na.

¹⁰ Orowa, etoita guru otta piyehe sange, ibe kuni gusu aep sange gurʼanak ne aetoita gusu echi koro piyehe porore wa kore hemhem ki, echi ki oupeka an ibehe innere hemhem ki kusu ne na:

¹¹ echi utara nep ne yakka gusu ara eikaunno aepirikare an na, tambe anak un gusu Kamui koyaiiraigere ikip ne ruwe ne.

¹² Inambe gusu ne yakun, tap an moni gusu yaishieiwangere ambe anak ne ashkanne utara eishiramne-i umomare patek shomo ne, koroka, Kamui otta inne no okai koyaiiraige ambe hetukure poka ki ruwe ne:

¹³ nei utara anak ne tap an aeyaishieiwangere-hi uwande ankushkerai, Kiristo koro Pirika shongo gusu an eyaipushi-hi ekoitaknu ambe gusu hemhem, nei utara otta ne yakka obitta no okai utara otta ne yakka nuye an no tura no echi ikichi gusu hemhem Kamui koiramye shiriki okai an ruwe ne;

¹⁴ aige, nei utara yaikota ne yakka, echi utara gusu inonno itak ki hine, echi onnaigeta an Kamui poro irenga gusu echi eyaikatekara shiri okai ruwe ne na.

¹⁵ Koro ye eaikap pakno an eikrap gusu Kamui koyaiiraige an na.