Hebraios 4 - Ashiri Aeuitaknup Iyohaichish Yona 1897

4 Ik.

¹ Tambe gusu, ikineipeka Shinuma koro shini-i otta chi ahup ash kuni gusu an aeitakamkirep ahoppa wa, nei ambe epa kuni shomo nep ne echi anukara an sekorobe ishitoma anro.

² Inambe gusu ne yakun, son no poka nei utara otta korachi un otta ne yakka pirika orushpe aeupaskuma an na: koroka, anu itak anak ne nei utara pirikare shomoki, eishokor-i ani nei utara anak ne anure utara tura shomo ukopoye nisa ruwe ne gusu ne na.

³ Eishokoro okere utara anak ne nei shini-i otta ahup ruwe ne; shinuma ye korachi poka ne, Nei utara ku shini-i otta ahup shomoki kusu ne, Sekoro, Ku irushka wa shiyuppa no Ku ye nisa ruwe ne: moshiri asamaha aande paki wano nei iki ikip aokerepa yakka ne.

⁴ Shui Shinuma anak ne an ushiketa nei arawan ikinne an ap gusu ene itak-hi. Orowa, Kamui anak ne obitta no okai kara ikip otta nei arawan ikinne an toho ta shini nisa ruwe ne;

⁵ orowa, shui tan ushiketa ne yakka, Nei utara Ku shini-i otta ahup shomoki kusu ne.

⁶ Tambe gusu, nei ambe otta ahup kuni ambe an gusu, samata, etoko wa otta pirika shongo aeupaskuma utara itakkashi gusu ahup shomoki sekorʼambe anukara gusu,

⁷ Shinuma shui shine an toho epeka wa Dabid otta, an pakihi aokere orowa, Tanto, ari itak, etoko wa aye-hi korachi nep, Tanto Shinuma koro hau echi nu kusu ne yak ne, Iteki echi keutum nishtere yan, ani itak.

⁸ Inambe gusu ne yakun, Yoshua anak ne nei utara shinire okere chiki, okaketa moshima an toho gusu shomo shinuma ye nangon na.

⁹ Tambe gusu, Kamui koro utara gusu shini-i an na.

¹⁰ Inambe gusu ne yakun, Shinuma koro shini-i otta ahun guru anak ne, Kamui ikichi korachi, yaikota koro iki ikip otta eshini okere ruwe ne.

¹¹ Tambe gusu, inan guru ne yakka iteki nei no an itakkashi ambe koikara wa hachiri kuni gusu, nei a shini-i otta ahup ash kuni ne shiarikiki no iki anro.

¹² Inambe gusu ne yakun, Kamui itak anak ne ishu wa iki kuni kiroroashnu, tu ibe oma rangetam kasu no eenbe ne, keutum newa ramat, ikra newa kiripu usaraye pakno kushna-otke, samata, sambe yainu newa ramepakari ambe esanniyo tunashbe ne ruwe ne.

¹³ Orowa, Shinuma shik-samata shomo anukara okaibe ara isam ruwe ne: koroka, gusu chi iki ambe koro shiki kotchaketa nep okaibe ne yakka obitta atusa hine asarare wa an na.

¹⁴ Tambe gusu, kando oboso wa ahun Kamui otta yaishieiwangere iyotta pase guru ne Kamui koro Poho Yesu an gusu, chikoro eishokoro ambe shiyuppa no shikkashima anro.

¹⁵ Inambe gusu ne yakun, chikoro katchakbe nu wa eramu eaikap Kamui otta yaishieiwangere guru un otta isam; koroka, nep ne yakka chi utara korachi akoramnukara nep a yakka chikokatpak isam ruwe ne.

¹⁶ Tambe gusu, a un erampokiwen wa akore kuni ne, samata, aeishiramne an ita chikaobiuki gusu an irenga a un kore kuni ne, rametokkon no irenga koro araset otta karange no araki anro.