Garatea 6 - Ashiri Aeuitaknup Iyohaichish Yona 1897

6 Ik.

¹ Iriwak utara, nen ka katpak ani aoshkoni guru an chiki, echi tumugeta an Ramat oma guru ramushiroma hine shinuma oupekare yan; yaikota iteki akoramnukara kuni ne yai yaitubare no ki yan.

² Uweutashpa koro ashikerep uweseire hine, Kiristo kore tuitak uweomare yan.

³ Orowa, nen ne yakka nep aramu ka shomoki ita yaikota yaiokkainere guru an chiki, shinunra anak ne yaikokandama ruwe ne.

⁴ Koroka, ainu pishno yaikota ki ikip uwandere yan, yakun, shinuma ouse yaikota gusu yaiomonnure ki, moshima guru gusu shomo omonnure ki kusu ne na.

⁵ Inambe gusu ne yakun, ainu pishno yaikota sei kuni aseirep sei kusu ne gusu ne na.

⁶ Itak gusu aepakashnu gurʼanak ne, epakashnu ki

⁷ guru otta nep ne yakka pirika okaibe iki yan. Iteki yaikoshunge yan; Kamui akokandama aeaikap: ainu anak ne nep ne yakka etoita korachi nei ambe ka nanke kusu ne gusu ne na.

⁸ Yaikota koro kam gusu etoita gurʼanak ne kara gusu muninbe nanke kusu ne; koroka, Ramat gusu etoita gurʼanak, Ramat gusu otusashuishiri pakno an inotu nanke kusu ne na.

⁹ Orowa, pirikap iki gusu iteki yaishingere; inambe gusu ne yakun, ramurai shomoki chiki, paha epa ita nanke kusu ne gusu ne na.

¹⁰ Tambe gusu, ki kuni gusu an i an rapoketa obitta no okai utara gusu pirikap ki yanro; eishokor-i atte iri utara gusu makangane nei no ki yanro.

¹¹ Nekon a poro ikiri ani yaikota ku tekehe ani echi utara gusu ku nuye ambe ingara yan.

¹² Kam gusu iramasure ambe nukare kuni kon rusui obitta no okai utara anak ne okarituye buri echi kire ruwe ne; ouse nei utara Kiristo utasa chikuni gusu iteki aekeshke kuni gusu nei no ki ruwe ne na.

¹³ Okarituye buri akire utara poka yaikota tuitak shikkashima shomoki ruwe ne; koroka, echi otta koro kam gusu yaiomonnure kuni ne echi otta okarituye buri kire rusui ruwe ne.

¹⁴ Koroka, chikoro Utarapa ne Yesu Kiristo koro utasa chikuni gusu moshima oara shomo ku yaiomonnure ku ki na; nei ambe ani en gusu moshiri utasa chikuni otta akotukka, samata, moshiri gusu kuani utasa chikuni otta akotukka nisa ruwe ne.

¹⁵ Inambe gusu ne yakun, okarituye buri akire yakka gusu aepirikarep isama, shomo akire yakka aepirikare shomoki ruwe ne, koroka, ashiribe ne akara ambe anak epirikare ambe ne.

¹⁶ Tapan ikiri kari wa ikiri an no apkash obitta no okai utara kata ne yakka, Kamui koro Israeru kata ne yakka, itomo newa rampoken an kuni ku koramkoro.

¹⁷ Tewa no poka, nen ne yakka iteki en ramusarakka yan, inambe gusu ne yakun, Yesu koro kochihi ku netobake otta ku sei ruwe ne gusu ne na.

¹⁸ Iriwak utara, chikoro Utarapa ne Yesu Kiristo korʼirenga echi kon ramat tura no an kuni ku koramkon na. Amen.