Garatea 1 - Ashiri Aeuitaknup Iyohaichish Yona 1897

1 Ik.

¹ (UTARA orowa no shomo ne, ainu ani shomo ne, koroka, Yesu Kiristo newa Shinuma rai-i orowa

² no hetopo-shiknure Michi ne Kamui ani) Apostoro ne akara Pauros newa en tura no an obitta no okai iriwak utara Garatea un karisia utara otta kambi omande na:

³ Chikoro Michi ne Kamui korʼirenga nei no tane okai wen ikiri orowa no un ohaitare kuni ne,

⁴ chikoro katpak gusu yaikota yaiyange chikoro Utarapa ne Yesu Kiristo newa Michi ne Kamui orowa no irenga newa itomo echi utara gusu anro:

⁵ Shinuma otta shashuishiri wano shashuishiri pakno arakuru an a an. Amen.

⁶ Kiristo korʼirenga otta echi hotuyekara Kamui orowa no tap korachi chashnu no echi utara shinnai no an pirika shongo gusu echi yaiatupte-i ku enushkari ruwe ne;

⁷ nei ambe anak ne moshima an ap shomo ne; koroka, echi keutura chiukopoyere wa Kiristo koro shongo itasare utara okai ruwe ne.

⁸ Koroka, chi utara ne yakka, kando orowa no an hauturumbe ne yakka, echi orun chi eupaskuma okere pirika shongo moshima, nei moshima an pirika shongo eupaskuma chiki, nei guru aiyoitakushi an na.

⁹ Teeda chi ye korachi, tane shui ku ye, echi uk okere moshima an pirika shongo echi orun eupaskuma ki guru an chiki, shinuma anak aiyoitakushi an na.

¹⁰ Tane kuani anak ne utara onishnishi ruwe he an? Kamui onishnishi ruwe he an? Shui, utara nupetnere kuni ambe ku hunara ya? Tane poka utara nupetnere ku ki chiki, Kamui usshiune guru shomo ku ne ruwe ne na.

¹¹ Inambe gusu ne yakun, ku iriwak utara, en orowa no aeupaskuma pirika shongo gusu echi nure ash na, nei ambe anak ainu orowa no hetukup shomo ne ruwe ne.

¹² Ainu orowa no shomo nei ambe ku uk, shui, shomo nei ambe ani a en epakashnu, koroka, Yesu Kiristo en eramande gusu an ambe ne ruwe ne.

¹³ Teeda Yudea un epakashi gusu ku ki buri echi nu nisa, kuani Kamui karisia epokba mashkin wa wende ruwe ne; orowa,

¹⁴ ekashi koro oina gusu ku keutura shi no seisek wa gusu, nei rapoke ku goro kotan un utara kasu no naa Yudea un epakashi otta ku aeyairamushinnere nisa ruwe ne.

¹⁵ Koroka, Kamui rengaine ku goro habo honihi wano en usa ande wa, oya utara tumugeta eupaskuma kuni ne en oshiketa koro poho nukare hine koro irenga ani en tak ita anak ne,

¹⁶ nani kuani kam newa kem tura ukoramkoro shomoki;

¹⁷ shui, Yerusarem kotan ta okai en etokota Apostoro ne utara otta shomo ku hemesu ruwe ne; koroka, Arabia moshiri orota ku arapa; orowa shui, Damaskos kotan ta ku hoshipi nisa ruwe ne na.

¹⁸ Orowa, re pa okaketa Kepas hotanukara gusu Yerusarem kotan ta ku hemesu wa ashikne to ikashima wan to uturu shinuma tura ku riya nisa ruwe ne.

¹⁹ Koroka, Utarapa koro iriwak ne Yakob moshima ne chiki, moshima okai Apostoro shomo ku nukan nisa ruwe tapan na.

²⁰ Tane ku nuye wa echi otta omande orushpe gusu, ingarʼan, Kamui teksamata, shomo shunge ku ki na.

²¹ Nei okaketa Suria newa Kirikia kotan ta ku ek.

²² Awa, Kiristo otta an Yudea moshirʼun karisia utara orowa no nei rapoketa shomo ku nanuhu aeamkiri an na:

²³ koroka, teeda un epokba guru anak ne etokota wende aeishokoro orushpe tane eupaskuma korʼan,

²⁴ sekorʼan assuru nu nisa ruwe ne; aige, en gusu nei utara Kamui ramye nisa ruwe tapan na.