Epesos 1 - Ashiri Aeuitaknup Iyohaichish Yona 1897

1 Ik.

¹ Kamui rengaine an gusu Kiristo Yesu koro Apostoro ne Pauros anak ne Epesos kotan ta okai aashkannere utara newa Kiristo Yesu gusu ikipniukesh utara otta kambi omande:

² Chikoro Michi ne Kamui newa Utarapa ne Yesu Kiristo orowa no irenga newa itomo echi gusu an an.

³ Kiristo oma kando oshiketa obitta no okai ramat gusu an kashnukarape ani un nunuke chikoro Utarapa ne Yesu Kiristo koro Michi ne Kamui shinnunuke ne:

⁴ chi utara anak ne Shinunra teksamata omap ki hine, ashkanne newa pirisak no okai kuni ne, moshiri naa shomo akara etoko wano Kiristo gusu nei Kamui anak ne un numge nisa ruwe ne:

⁵ Shinunra etoko wano Yesu Kiristo ankushkerai gusu Kamui yaikota koro poho ne kuni uir kara gusu an ambe esanniyo,

⁶ awa, Shinunra koro Omap an guru gusu un otta nuye an no koropare arakuru newa irenga gusu ramuaye kuni ne koro keutum pirikap rengaine ambe an korachi nei no ki nisa ruwe ne na:

⁷ Shinunra koro kemihi gusu chi utara anak ne kikiaraye wa katpak

⁸ tusare ambe koro, tambe anak ne Kamui koro irenga oteknu ambe an korachi obitta no okai wayashnu ambe newa eramu ambe gusu un koropare nisa ruwe ne;

⁹ Shinunra koro keutum ta an anuinap rengaine a un eramande;

¹⁰ tap ambe anak ne epa kuni paha epa ita Shinuma gusu aesanniyo kando otta an okaibe ne yakka, toi kata an okaibe ne yakka, obitta no an okaibe Kiristo otta aukotamgere kuni gusu an ambe ne;

¹¹ nep ne yakka yaikota rengaine ukoramkoro wa iki, aige, keutum an korachi etoko wano un esanniyo wa koro eikeshkorobe ne kuni un kara nisa ruwe ne;

¹² tambe anak etoko wa Kiristo gusu chipachipa ki chi utara anak ne, Shinuma koro arakuru gusu airamye ambe ne kuni ne aki na;

¹³ echi utara ne yakka son no an itak, echi kashiobiuki gusu an pirika shongo echi nu okaketa, orowa, Shinuma gusu eishokoro ki okere chiki, Ashkanne Ramat gusu an eitakamkirep ani echi hau aomare ruwe ne;

¹⁴ tambe anak ne Kamui nupeki ramuayere kuni gusu an Kamui yaikota iki kikiraye ambe epeka Kamui eikeshkorobe emkoso asangep ne ruwe tapan na.

¹⁵ Tambe gusu, kuani ne yakka, echi utara Utarapa ne Yesu otta eishokoro ki ambe hene, obitta no okai Ashkanne utara gusu echi ki ikip ku nu gusu,

¹⁶ inonno-itak ku ki ita echi eshkarun wa ramma echi utara gusu yaiiraige ku ki ruwe ne;

¹⁷ aige, chikoro Utarapa ne Yesu Kiristo koro Kamui, nupeki koro Michi, echi utara Shinuma eramande kuni ne echi wayashnure newa eramande gusu an ramat echi koropare;

¹⁸ shui, echi keutura ta okai shikihi makke hine, gusu echi utara ahotuyekara an chipachipa ambe hemhem, Ashkanne utara eikeshkoro kusu ne nupeki gusu an oteknu ambe hemhem,

¹⁹ orowa, eishokoro wa okai chi utara gusu Shinuma Kiristo otta okirashnu an kiroro yupu wa iki Shinuma shi no poro kiroro echi eramande

²⁰ kuni gusu an ambe ne, Shinunra Kiristo rai orowa no hetopo-shiknure wa obitta no okai esapane ambe hene,

²¹ nrondum korobe hene, kiroro hene, enishpare ambe hene, samata, tan moshirʼotta okai patek shomo ne, koroka, iyoshi no ek moshiri ta ne yakka obitta no okai aporose reihei kasu no pasere kuni gusu, kando oshiketa shimontek samata Shinunra roktere nisa ruwe ne:

²² orowa shui, Shinuma obitta no okaibe Kiristo koro

²³ chikiri choropoketa ande wa itaknure, samata, koro netobake ne, ani nep ne yakka shikte Kamui koro shikte-i ne, karisia gusu obitta no okaibe esapanere nisa ruwe ne na.