Ekambakbe 18 - Ashiri Aeuitaknup Iyohaichish Yona 1897

18 Ik.

¹ Tap okaibe okaketa poro mondum koro wa an kando orowa no ran shiri naa shine hauturumbe ku nukara; aige, shinuma koro araguru gusu moshiri apekereka nisa ruwe ne.

² Orowa, shinuma rui hau ani hawe ashte wa ene itak-hi :— Hokush okere, nei poro Babironia hokush wa an wa nitne kamui koro oshiroma-i ne akara, nep ichakkere ramat ne yakka, nep turu-sak wa aetunne kuni gusu an chikap ne yakka okai kuni pakashnu ushike ne akan na.

³ Inambe gusu ne yakun, obitta no okai moshiri uirup utara anak ne shinuma koro hoiyo gusu an kinrakarape oma tonoto ankushkerai hachiripa nisa ruwe ne; orowa, moshiri shikkashima utara anak ne shinuma tura hoiyo iki, aine, moshiri ta okai ihok utara anak ne shinuma iki yaiomonnure ambe kiroro gusu yaioteknure okere ruwe ne gusu ne na, ari itak.

⁴ Orowa, kando orowa no an naa shine hawe ku inu, ene itak-hi :— Shinuma iki chikokatpak tura iteki iki kuni ne, samata, shinuma akore ipak ambe ani shomo utura apanakte kuni ne, Ku goro utara, nei shiwentep orowa no soyumba yan:

⁵ inambe gusu ne yakun, shinuma koro chikokatpak anak ne kando pakno epa okere, orowa, Kamui anak ne shinuma koro wen-buri eshkarun nisa ruwe ne.

⁶ Shinuma moshima utara epeka no iki korachi shinuma epeka ne yakka iki yan, shinuma iki ikip tup ukotamge pakno kore yan: shinuma ukopoye itange tup ne pakno ukopoye wa kore yan.

⁷ Shinuma anak ne yaikota yairiknare wa yaiomonnure pakno, nei oro pakno shinuma panakte wa yaituwashkarapte wa kore yan: inambe gusu ne yakun, moshiri shikkashima shiwentep ku ne wa shiyompiyara shomo ne, orowa, oara yaituwashkarap shomo ku ki kusu ne na, ari keutum ta itak ruwe ne gusu ne na.

⁸ Tambe gusu, shine toho ututta shinuma akore ipak ambe araki kusu ne, rai ambe an, yaituwashkarap an, keme an ambe an; orowa, shinuma anak ne isam pakno abe ani auhuyeka kusu ne: shinuma koipishi wa esanniyo Utarapa ne Kamui anak kiroroashnu Kamui ne ruwe ne gusu ne na.

⁹ Orowa, shinuma tura no yaiomonnure no ishu hine tura no hoiyo iki moshiri shikkashima utara anak ne

¹⁰ shinuma ipak ambe ishitoma gusu ukattuima no roshki wa nei guru uhuye shupuya nukara chiki echish erayaise wa ene itak kusu ne-hi :— Eyaisambepokash, Eyaisambepokash, nei poro machiya, Babironia, nei tumashnu machiya! shine ichi ji kan pakihi ututta eani gusu an aesanniyo ipak ek an na.

¹¹ Orowa, moshiri kata okai ihok utara anak ne shinuma echish wa yaituwashkarap, shinuma ihokbe tewa no hok guru isam ruwe ne gusu ne na;

¹² aihok kuni kongani an, shirokani an, oro an no an shuma an, ikani an, ane senkaki an, murasaki an, fure ambe an; usa okai kaorigi chikuni, zo kite-nimaki ani akara usa okai op, iyotta aoshkoro chikuni ani akara op, shiunin-kani op,

¹³ yaiyan-kani op, roseki shuma op; samata, nikkei chikuni kapu an, rataskep an, senko an, hura pirika shum an, motsuyaku an, tonoto an, pene shum an, nokan no akara koho an, mungi an, beko an, hitsuji chikoikip an; orowa, umma hemhem nishinda hemhem tumama hemhem ainu ramat hemhem an ruwe ne.

¹⁴ Orowa, e kon ramat ibeshikashure wa uina rusui ambe anak ne oyakta paye wa isam, aige, nep ne yakka shisakbe newa chitomte okaibe obitta eoyake un paye wa isama, aine, naa oara apa shomoki kusu ne na.

¹⁵ Orowa, tapan okaibe ehok wa shinuma gusu yaioteknure utara anak ne shinuma iki ipak ambe koishitoma hine ehangeko no roshki wa chish hemhem ki yaituwashkarap hemhem ki kusu ne;

¹⁶ aine, ene itak-hi :— Eyaisambepokash, eyaisambepokash, nei poro machiya, shinuma anak ne ane senkaki newa murasaki newa fure ambe newa ani yaitomchiure nisa, samata, kongani newa oro an no an shuma newa ikani newa ani yaitomtere nisa!

¹⁷ awa, shine ichi ji kan pakihi uturuta ene poro aeoteknu ambe aisamka ruwe ne gusu ne na. Orowa, pishno an chip esapane guru hemhem, nei oro ne yakka atuitomotuye pishno an guru hemhem, chip o utara hemhem ne yakka, samata, atui gusu yaireshpa obitta no okai utara ne yakka

¹⁸ ehangeko no roshki hine shinuma uhuye shupuya orun ingara wa hawe ashte, aige, ene itak-hi :— Nei poro machiya ukoheraye ambe inambe ne ruwe?

¹⁹ Orowa, nei utara anak ne yaikota koro sapaha kata koponchi kashi-ota hine chish wa yaituwashkarap, aige, ene itak-hi :— Eyaisambepokash, eyaisambepokash, nei poro machiya, koro aeoteknup ankushkerai atui kata koro chip koro obitta no okai utara anak shinuma oshiketa yaioteknure nisa ruwe ne! shine ichi ji kan uturuta korobe aisamka ruwe ne gusu ne na.

²⁰ Kando ne Aokai hemhem, ashkanne utara ne echi utara hemhem, Apostoro utara ne echi utara hemhem, uweingara utara ne echi utara hemhem shinuma okkeukashi nupetne yan; inambe gusu ne yakka aokai utara gusu an esanniyo ambe Kamui esanniyo nisa ruwe ne gusu ne na.

²¹ Orowa, shine okirashnu hauturumbe anak ne shine poro nishu nepkorʼan shuma uk, aige, atui oshiketa eyapkire wa ene itak-hi :— Tap korachi an shiri yupke hokush ambe ani Babironia machiya, nei a poro machiya ahokushte kusu ne, aine, naa oara anukara shomoki kusu ne.

²² Orowa, koto rekte utara koro hawe hene, usa okai arektep rekte utara koro hawe hene, top rekte utara koro hawe hene, rappa rekte utara koro hawe hene tewa no oara e onnaigeta anu shomoki kusu ne; samata, nep monraige iki guru ne a yakka oara e onnaigeta anukara shomoki kusu ne;

²³ orowa, nishu humi oara e onnaigeta anu shomoki kusu ne; orosama, ratchako pekere oara e onnaigeta at shomoki kusu ne; samata, mat akore guru hawe hoku akore guru hawe oara e onnaigeta anu shomoki kusu ne na: inambe gusu ne yakun, e tura iki ihok utara anak ne moshiri esapane utara ne ruwe ne gusu ne na; awa, obitta no okai moshiri uirup anak ne e iki aesaman ambe ankushkerai akokandama ruwe ne gusu ne na.

²⁴ Orowa, nei machiya oshiketa uweingara utara kemihi, ashkanne utara kemihi, samata, moshiri kata aronnu obitta no okai utara koro kemihi anukan nisa ruwe ne.