Ekambakbe 15 - Ashiri Aeuitaknup Iyohaichish Yona 1897

15 Ik.

¹ Orowa, kando oshiketa naa shine shirosh ku nukara, porope ne, iyokunnurep ne, arawan shirikikbe koro arawan hauturumbe an, nei ambe anak okese an okaibe ne, nei okaibe gusu Kamui kinrakarape aokere ruwe ne gusu ne na.

² Orowa, abe ukopoye wa an pindoro nepkorʼan atui ku nukara; samata, nei chikoikip newa chikoikip koro nokaha newa chikoikip kon reihei pishkihi newa orowa no araki annokara iki utara nei pindoro-ush atui kata Kamui koto koro wa roshki ambe ku nukara.

³ Orowa, nei utara anak ne Kamui usshiune guru Mose koro shinotcha-ibehe newa nei Pon-hitsuji koro shinotcha-ibehe shinotcha ki wa ene itak-hi :— Aa Utarapa ne Kamui, Nep ne yakka ki eashkaibe, E iki ikip anak ne poro wa iyokunnurep ne; Otusashuishiri wano okai utara esapanep E ne wa E iki ambe anak ne oupeka newa sonep ne ruwe ne.

⁴ Aa Utarapa, shomo E kooripak, shomo E koiramye guru inan guru ne ya? Ouse Aokai patek ashkanne ruwe ne gusu ne na: E iki oupeka ikip anukara wa okai gusu obitta no okai moshiri uirup araki wa E kotchaketa ongami ki kusu ne gusu ne na.

⁵ Orowa, tap okaibe okaketa ku nukara, awa, kando oshike un Kamui kora kenru ta an paweteshu ambe koro kash makke:

⁶ aige, nei arawan panakte ambe koro nei arawan hauturumbe Kamui kora kenru orowa no soyumba, awa, turu-sak no an pekashnu shuma ani yaitomchiure, orowa, kongani kut ani tumam-koshaye ruwe ne.

⁷ Aige, nei ine shiknu okaibe un shinep anak ne otusashuishiri wano otusashuishiri pakno ishu Kamui iki kinrakarape ani eshik wa an arawan kongani patchi nei arawan hauturumbe eun kore nisa ruwe ne.

⁸ Orowa, Kamui kora kenru anak ne Kamui araguru newa Shinuma koro kiroro gusu an shupuya ani aeshik; awa, nei arawan hauturumbe koro arawan panakte ambe aokere pakno inan guru ne yakka nei kenru orun ahun eaikap ruwe ne na.