Ekambakbe 11 - Ashiri Aeuitaknup Iyohaichish Yona 1897

11 Ik.

¹ Orowa, kanni nepkorʼan shine rapembe a en kore nisa: aige, shinen en orun ene itak-hi; — Hopuni wa Kamui kora kenru newa yange set newa nei kenru oshiketa ongami utara newa pakari yan.

² Orowa, nei kenru soige an mimdara moshima no an wa iteki pakari yan; nei ambe anak ne moshiri uirup otta akore nisa ruwe ne gusu ne na: orowa, nei ashkanne machiya anak ne tu chup ikashima tu hotne chup uturuta aotereke kusu ne na.

³ Orowa, Ku goro tu paweteshu ki utara anak ne hai ani akara amip mi wa iwan shine wan hotne to newa re hotne to uturuta uweingara kuni akore kusu ne.

⁴ Tap utara anak ne moshiri koro Utarapa kotchaketa roshki wa nei tu kanran chikuni newa nei tu ratchako ne ruwe ne.

⁵ Orowa, nei utara iwende rusui guru an chiki, koro paro wano abe oashin hine nei epokba utara isamka; nen ne yakka nei utara iwende rusui guru an kusu ne a chiki tap korachi araige kusu ne kunip ne ruwe ne.

⁶ Uweingara ki toho uturuta iteki apto ash kuni ne kando seshke kiroro nei utara kon ruwe ne: samata, wakka kem ne kara kuni kiroro an, rengaine kanna-kanna iki rusui nei no obitta no okai shirikikbe ani moshiri epeka kiroro kon ruwe ne.

⁷ Orowa, nei utara anak ne koro iki paweteshu ambe okere chiki, nei asam-sak ushike wano herashi ek chikoikip anak tura no tumi-koro hine annokara wa ronnu kusu ne.

⁸ Orowa, koro kaise anak ne nei poro machiya un paruru ta an, ramat oma itak ani nei ambe aporose chiki Sodom newa Echipt ari ayep ne, nei ushiketa nei utara koro Utarapa utasa chikuni otta akungi kokikkik nisa ruwe ne.

⁹ Orowa, moshiri uirup newa ainu ikiri newa parumbe newa tumuge un utara anak ne ine to e emko uturuta nei kaise orun ingara, aine, iteki tushiri orun aomare kuni ne iki kusu ne na.

¹⁰ Orowa, moshiri kata oshiroma utara anak ne nei okaibe gusu nupetne wa yaikopuntek; aige, utashpa eikrap korara kusu ne; inambe gusu ne yakun, tan tu uweingarape moshiri kata oshiroma utara panakte nisa ruwe ne gusu ne na.

¹¹ Orowa, to e emko e ine to an chiki, Kamui inotu oma heisepa nei onnaige un ahun, aige, nei utara anak kema kata roshki; awa, ingara utara anak ne shi no ishitoma nisa ruwe ne.

¹² Aine, nei utara otta ye kando orowa no an poro hawe anu wa ene itak-hi :— Eteun rikin yan. Aige, nei utara nishkuru onnaige ahup hine kando orun rikin, awa, epokba utara nei ambe nukan nisa ruwe ne na.

¹³ Nei pakihi ta poro shirishimoye an, aine, machiya wan sereke hokush; orowa, shichi sen nin ne ainu ne a shirishimoye gusu aronnu: awa, moshima okai utara anak ne kimatek hine kando koro Kamui ramye nisa ruwe ne.

¹⁴ Tu ikinne an aeyaisambepokashbe aokere: ingarʼan, nei re ikinne an aeyaisambepokashbe tunashino ek na.

¹⁵ Orowa, nei arawan ikinne an hauturumbe rappa rekte; aige, kando onnaigeta poro hawe hetuku wa ene itak-hi :— Moshiri esapane kuni ambe anak ne chikoro Utarapa newa Shinuma koro Kiristo korobe ne akara: awa, Shinuma ramma-ramma pakno esapane kusu ne na.

¹⁶ Orowa, koro amset kata Kamui kotchaketa rok kane okai nei inen ikashima hotne ekashi utara koro nan kata hachiripa hine Kamui koongami hine ene itak-hi :—

¹⁷ Aa Nep ne yakka ki eashkai, an wa an, an nisa Utarapa ne Kamui, chi utara anak ne E koyaiiraige ash ruwe ne: Aokai anak ne E koro poro kiroro uina wa esapane iki nisa ruwe ne gusu ne na.

¹⁸ Orowa, moshiri uirup irushka, aine, E iki irushka ambe hetuku an, samata, rai an utara akoipishi kuni pakihi hemhem, E koro uitek utara ne uweingara utara otta ne yakka, ashkanne utara otta ne yakka, E reihei kooripak pon guru hene poro guru hene otta pummaha koropare kuni pakihi ne yakka ek an na; orowa, moshiri koisamka utara isamka kuni pakihi ka ek an ruwe ne na, ari itak.

¹⁹ Orowa, kando oshiketa an Kamui kora kenru asarare nisa; awa, Shinuma kora kenru onnaigeta Shinuma koro aeuitaknu o shuop anukara: aine, imeru newa, hawe newa, kamui-hum newa, shine shirishimoye newa, poro kaukau newa hetuku nisa ruwe ne.