Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

ROM MINGAI JIANG PAUL NING A JIAK CHITHI 5 - Rabu Athar New Testament (BSI)


Pathian le Kan dik na

1 Ajarko takngai han ana mandik jarra keinin kan puma Jisu Khrista jarra Pathian le lunghip lung daia kan om.

2 Kan puma jarra keinin kan ngir na manrit na han kan takngai na lutna ranga kan mu jui, hale kein in Pathian lianpui na han tum suam ranga kan mu rang ke tia kan ning asat.

3 Hijak ni luia keini pong khodengthei pha han om ningsat na kan nei pong le khodengthei ham a huia kan don.

4 Kan dui rat han torna kan nei, hale, kan dui rat na han a thianga kan ngaidon ha kein in kan jet.

5 A thianga kan ngaidon jarra keini ha na man jakma, ajarko keini jiang i na pek thavang thiang tenna keini lung sunga Pathian lungsiat na ha a na bunthuan.

6 Keinin siatna kan nei lai pha tak han, Khrista ning Pathian jet luingai ranga a thi jui.

7 Ajarko mi dik khat ranga tu ang khat in a na thi pe hi atang, aninom asat mi khat rang athi pe hi om a jot.

8 Tak-ha, keinin siatnei mi kan ni lai tak han Khrista ning keini ranga ina thi pe hanna Pathian ning keini tiang lungsiat ana mu jui.

9 Hiva jarra kan puman hiva khel la thisen ning a tun ana mandik jarra ama tenna keini ha Pathian lung hui mak na tenna na sanring nati.

10 Ajarko kein in ama le kan enda na kan nei lai han ama a pasalnai ha ana thi pe jarra keini ha Pathian le veikhat a na man kan jot jui; ana man kan jot jarra keini ha veikhat ama ringna mun han na san ring nati.

11 Hijak ni luia, keini kan puma Jisu Khrista jarra keini Pathian jiang ningsat a kan om, ajarko kan puma ama jarra keinin a tun kan jot na ha kan mu jui.


Adam le Khrista

12 Hiva jarra mi khat ruia siatna le siatna jarra thina hi a hong jui, hi ang hin mirakip chunga thina hi a suak jui; ajarko mirakip in siatna an tho jui tina anga ani.

13 Ajarko dan chong pek ha an pek mak ma lai han ramuol la siatna hi alui om, tak-ha dan chong pek i om mak jarra siatna tho ngai rabu hin lui om na mak.

14 Adam tenna thina ha ani Mousi tenna vai a luihom, Adam ning chong pek ha a jui mak ang han an thei jak siatna tho anga ke ani. Adam hiko a hong rang puma ama anga a luini.

15 Tak-ha, ma sial nale siatna ngaidam na anga nimak, ajarko mi khat jak siatna jarra mitam thina an nei hake, Pathian manrit nale miring khat tiko Jisu Khrista manrit na ana pek kutchoi mitam ranga a khel la asat ha ani.

16 Hale miring khat ning siatna a tho jarra kutchoi ha neimak, ajarko, siatna jarra chongtan nimak, tak-ha siatna rakip jarra ngaidam na kutchoi mi dik ha ni na ranga ani.

17 Ajarko miring khat siatna jarra thina ha reng anga a hong chang inko, manrit nale dikna jarra kutchoi han khel la Khrista Jisu jarra ring na ranga Veikhat reng anga kan om rang ke.

18 Aninko miring khat siatna jarra mirakip siatna iman nei ang han, miring khat dik na chuan jarra mirakip om ringna ranga imandik ha lam a kei ruoijui.

19 Ajarko mi khat in chong ijuilui jarra mirakip ha siatna amanchul ang han an khat in chong a jui jarra mirakip ha mi dik man chang nati.

20 Hiva jarra siatna man tam ranga dan chong pek ham a hong jui.

21 Tak-ha thina ha ning siatna reng anga a ong om ma manrit na ning keini kan puma Jisu Khrista jarra a tor ti buia ring na ranga dik na jar han reng anga om na ranga siatna bil han manrit na ning a khel la a hong tamjui.

Aimol (Re-edited) NT - Rabu Athar

Copyright © The Bible Society of India, 2016.

Used by permission. All rights reserved worldwide.

Bible Society of India
ကြှနျုပျတို့နောကျလိုကျပါ:



ကြော်ငြာတွေ