Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

2 THESSALONIKA 3 - Rabu Athar New Testament (BSI)


keini ranga lam na neiru

1 A torna tak a, u le naingai keini ranga lam na neiru. Pathian chongsat ha a rak a mirakip jiang man tungru hale chitlejak alui rase u, nang nin nan lei lui anga.

2 Keinin mi saluingai jiang Pathian chongsat ha kan ri torna ranga, mirakip jiang nang nin takngai jot mak.

3 Tak-ha puma jiang takngairu, Puma ning mi saluingai tenna na san nati.

4 Hale keinin kan na pek chena dan ngaiha nang nin nan jui rang ani tia Pathian jiang takngai na kan nei.

5 Puma ami lungsiat ha jet thei na rang le Jisu Khrista ning ana pek khang thei na han pathian in nan chunga na ruai rase.

6 U le naingai keini ning nang ni jiang Khrista minga kan na manjet, keinin kan na pek chena dan, a jui lui miha ko nang nin makru.

7 Keini hi chuan sin na thasiat mi ni masing tihi nangni le kan lui om lai han nan jet jui, Keini anga nang ni om thasiat maru.

8 Keini chuan sin luia a man buia tu khat jiang bu lam masing tak-ha kan than le kan ranak hin sun le jan na chuan kan sin. Nangni jiang pong na na pek masing.

9 Hingahin keinin kan rat tia kan tho chang mak tak-ha kan nuk nan na jui thei na ranga kan tho ani.

10 Nangni le kan om lai han kan lui ti. “Tu khat ning chuan a sin mak inko bu nek ma rase”.

11 Ajarko nan karra mi aviar ning chuan sin luia a thasiat mi jak an en na an om ti kan jet.

12 Hava mingai jiang Jisu Khrista minga kan ri ani. Anmani ha ahip adaija an ring na ranga chuan sin rase u.

13 U le naingai chuan sat tho hi nang ni pong maru.

14 Tu ang khat ning ka chithi hin ka hong jiak chong hi ajui mak inko ama ha makru jak rase.

15 A ma mi salui ani tak-ha enda mit en na ko en maru. U le nai khat anga man jetru.


A torna chong

16 Atunko puma ama lunghip han nan chunga lunghip na pek rase, phat rakip le chuan lam rakip a nan karra om rase.

17 Paul kei ning ka kut tak a ka jiak chithi chong hui ha ani: Hiva chithi chunga hin kein suai ka tho; Hingahin rong kein chithi ka jiak ani.

18 Puma Jisu Khrista a mi lungsiat thei na ha nan chunga le mirakip chunga om rase.

Aimol (Re-edited) NT - Rabu Athar

Copyright © The Bible Society of India, 2016.

Used by permission. All rights reserved worldwide.

Bible Society of India
ကြှနျုပျတို့နောကျလိုကျပါ:



ကြော်ငြာတွေ