2 THESSALONIKA 1 - Rabu Athar New Testament (BSI)

¹ Paul, Silas le Timothi ning Thessalonika biakrup hin a om Pathian mingai jiang.

² Pathian le Jisu Khrista tenna lunghip le lungsiat thei naha nan chunga om rase.

Khrista a hong pha han chong jenna

³ Keinin nangni ranga phat rakip a Pathian manpak hi keini ranga adik chuan ani. Nangni takngai na nan nei le khat le khat nan kan lungsiat ha hong khel me men rase.

⁴ keinin nangni jarra lulian na chonga biakrup a kan ri, ajarko khodengthei na hi jat nan lui dui nom nan takngai na ha ko bang ma che u.

⁵ Hivahi nang ni ranga shakhi adik tak ha ani. Pathian chongjen ha ko nang ni Pathian rengram mu na ranga ani, ajarko nangnin ama ranga khodengthei na ha nan lui dui jui.

⁶ Pathian in adik tak a chong ajen, nangni chunga khodengthei ana pek ngai chunga puman pong na apek rang ke.

⁷ Khodengthei tak a alui om mingai le keini chunga pathian in pong kan sak na ana pek rang ke. Jisu Khrista ning vanram tenna a hong chum pha han Pathian chuan a tho rang ani.

⁸ Jisu Khrista a chong jui lui mi ha ko mei chunga, Pathian tenna a laak a om nati.

⁹ Anmani ning amongtibuia pong na ha mu nanti, Puma lian na lurna ha mu noni u.

¹⁰ Puma ning ahong karra a thiang mingai ning ama lurna an mu anga, nangni om puma lurna ha nan mu rang ke. Ajarko Pathian chongsat ngaiha nang nin takngai na nan lui nei jui.

¹¹ Hiva jarra kein in phat rakip a lam na kan nei, Puman ana kui hi mi sat khat chang na ranga hale ama ranak han chuan sat tho nale takngai na hin na man rat rase.

¹² Hingahin kan puma Pathian le Jisu Khrista a mi lungsiat thei na nuk juia, ama lurna le a ming lianna ha nan sunga om rase.