Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

2 KORINTH 13 - Rabu Athar New Testament (BSI)


A torna chong pek le manjetna

1 Hivahi veithum changna kein nangni jiang ka hong rang ani. A salui atho mi chunga mi anni animakle anthum ning adik shakhi ha om rase.

2 Atuanlai siatna alui tho mingai le a dang mingai jiang ka na manjet ani, katak ka om mak nom atun hin nom ka na manjet ani, ajarko veini changna ka lui hong han nom ka na lui manjet, atun veikhat ka hong inko anmani ha hoi noning.

3 Khrista ning kei jiang chong a ri tihi nan jet jui. Puma ko nangni jiang sual mak, tak-ha nangni jiang ranak a rat a a om.

4 Khrista ha a sual jarra khros chunga an lui that tak-ha Pathian ranak han a ringkhir. Keini om ama jiang kan sual achang nom nangni le chuan kan tho chun jarra Pathian ranak han ama le kan om rang ani.

5 Nantak nantak ning kan ngaidon ru Pathian jiang takngai jamo nan ring? Nangni ning Pathian ha pummak nan mak mak inko Khrista ha suai luija nangni jiang a om tihi nan jet mo nimak.

6 Kein nan chunga takngai na ka nei, nangni hi takngai lui mi ha nima che u.

7 Pathian jiang lamna kan na neipe nang nin siatna nan tho mak na ranga. Keinin lulian na kan nei jui ti ni luia, nangni adik ha thoru, keinin kan suai na a om nom.

8 Ajarko keini om adik ning a jot lui chuan ha tho tor masing, tak-ha adik jak ha kan tho ani.

9 Keinin kan sual karra ningsat na kan nei tak-ha nang niko nan rat. Keini ning Pathian jiang kan lam hi nang ni nan kan son na ranga ani.

10 Hiva jarra kei nan karra ka om mak nom chithi ka hong jiak ani. Hingahin kei ka hong karra chong a ngarra ri noning, Pathian ning ranak a na pek hi nang ni na san na ranga ani. Nang ni na set ranga nimak.

11 Atunko ka u ka naingai ravansat hong changru; ka na mathem ngaihi jotru; khat le khat kan jotru; a hip a daija omru. Hale lungsiat le lunghip pathian ning na om pui rase.

12 Ulenaingai lungsiat biang kan tumru.

13 A thiang mirakip ning nang ni jiang ningsat chong an na hong thuan.

14 Jisu Khrista a mi lungsiat thei nale Pathian lungsiat le thavang thiang kan chun na ha nan chunga om rase.

Aimol (Re-edited) NT - Rabu Athar

Copyright © The Bible Society of India, 2016.

Used by permission. All rights reserved worldwide.

Bible Society of India
ကြှနျုပျတို့နောကျလိုကျပါ:



ကြော်ငြာတွေ