Samz 67 - Tèstèman nèf-la: Épi an posyòn an liv samz-la

An Chanté Pou Wimèsyé Bondyé Pou Wékòt-la

An sam pou yo chanté èk mizik kòd

¹ Bondyé, ni mizéwikòd asou nou èk benni nou. Voyé bontéʼw asou nou,

² pou tout latè-a konnèt sa ou vlé yo fè, pou tout nasyon konnèt sé ou ki sa sové yo.

³ Sé pou tout moun glowifyéʼw, Bondyé. Sé pou tout moun glowifyéʼw!

⁴ Sé pou tout sé nasyon latè-a chanté afòs yo kontan, paski ou ka jijé sé moun-an san pwéféwans, épi ou ka kondwi tout nasyon ki asou latè-a.

⁵ Sé pou tout moun glowifyéʼw, Bondyé. Sé pou tout moun glowifyéʼw!

⁶ Tè-a ja pwodwi wékòt li. Bondyé ki Bondyé-a nou ka adowé-a ja benni nou.

⁷ Bondyé ja benni nou. Sé pou tout moun toupatou wèspèktéʼy.