Samz 15 - Tèstèman nèf-la: Épi an posyòn an liv samz-la

Sa Bondyé Mandé

Sé an sam David

¹ Bondyé Senyè, ki moun ki sa wèsté an Kay ou? Ki moun ki sa viv asou mòn-an ki sa ou yonn-an?

² Sé an moun ki ka obéyi Bondyé an tout bagay, èk ki toujou ka fè sa ki dwèt, èk ki toujou ka palé lavéwité-a mannyè i yé an tjèʼy.

³ Moun sala pa ka malpalé lézòt moun. I pa ka fè janʼy movèzté, ni i pa ka di bagay ki pa vwé kont pwochenʼy.

⁴ I pa sa sipòté sé moun-an Bondyé widjèkté-a, mé i ka onnowé sé moun-an ki ka wèspèkté Bondyé Senyè-a. I toujou ka fè sa i pwonmèt pou fè, i pa mélé sa i pé koutéʼy.

⁵ Lè i pwété an moun lajan, i pa ka mandéʼy lantéwé asouʼy. I pa ka aksèpté lajan an séwan pou manti kont moun ki inosan. Népòt moun ki fè sé bagay sala pa kay janmen tonbé.