Nwɛr a Luk 11 - Abanyom LP New Testament Portions

Ɔrɔ Tata

¹ Ɔfo brang Jisɔs ajɔl kag ɔrɔ na ɛkɛbɛ mfom. Na ji alɔ mal, ntɔnanjim ɔwɛ wurang abong atɔgɛ, “Tata teb wur mɔng akaga ɔrɔ mɔng Jɔn atebɔ Batɔnanjim abɛ.”

² Jisɔs abong atɔg abɔ, ɔlagɔ kag ɔrɔ bong ana: “Nsɔjama, nɔng ɔkponi ɛjɔl na mbeng ɛya, nɔng ɔtol ɛba ɛba,

³ Karɛ wur nsɔl lili ɛyira na kpakpa afo.

⁴ Tum karɛ wur na abe ɔfɛm ayira, mɔng wur ɛtuma ɛkarɛ anɛ ba alema wur abeɔfɛm. Ɔtɔb wur lɛgɛ ɔkag na ligara.”

⁵ Jisɔs abong atɔg Batɔnanjim abɛ arɛ, “Arenɔ arɛ nɛ wurang akpe ntɛm, atum aji na ɛtɛk ɛjɛ alagtu aji bong, ntɛm ɔma, bɔ mam ngba brɛd ɛra.

⁶ ntɛm ɔma yɔ arenɔ na lijɛn agba ba, ajiaji sang ji mɛ nɛ karɛ.”

⁷ Arenɔ arɛ ntɛm yɔ arenɔ na ɔnwɔlɛ bi njo afangɔ, “Ɔtɔbam kpɛ fege ayɔ mɛ ngba bam mbo, nɔng na abɔn abama mɛ nima ntum mba kara jisɔk.”

⁸ Adɔnɔ fɛngɛ atum ayema aba kara ji ɔsɛbɔ, ateb arɛ wɔ ntɛm ɔwɛ yɔ, ateg atum ayema akara na ji ɔlɔ kud na mbo mba arab.

⁹ “Mɛ ntɔga wa bib ala kakarɛ, sɛb wɔ ɔla yɛyɛn, kob mbo ɛteg ɛribi ɛkara.

¹⁰ Nɛ awiawi yɔ abibɔ ateg abɛl; yɔ asɛbɔ ateg ayɛn; yɔ akudɔ na mbo ɛteg ɛribi.

¹¹ Ba ndɛ nɛ yɔ, mɔn alɛ bib nyam alib, wɛ afɛng akarɛ nyɔ?

¹² Afɛng abibɛ ɛjinkɔk afɛng akarɛ nangta?

¹³ Ɔbeb mɔng ɔbebɔ, ɔkpere ɔkuna mɔng ɔkarɛ abɔn aba atenga nsɔl, bɛjom ji ɛla ker nsɔja na libo ala dɛ karɛ nɛ awiawi yɔ alɛmɔ wɛ mbara ɛtugi.”

Jisɔs na Bɛsɛbul

¹⁴ Jisɔs ayege ɛmum ɛbe ɛtugi, na ji ɛbe ɛtugi ɛlɔ jog, akuma ntɔga mbonga, ɛbɔngɛ anɛ ba ajɔlɔ fɔ ɛkpɔ abɔ ɛsi.

¹⁵ Ɛbɔngɛ anɛ akuma mbonga, arɛ; “Akɔga ɛkɔ na ji Bɛsɛbul, ayege abe atugi, yɔ arenɔ ntola anim.”

¹⁶ anɛ ba ngɔ abal abib Jisɔs, arɛ ateba abɔ akpɔga ɛsi ya ɛjiba ɔtol.

¹⁷ Jisɔs akukun ji abɔ ajɔl kɛrɛ abong, “Ɛjiba ɔtol ji ɛlɔ yama ɛjɔl na ɛkunɛkun ɛgba rungi, na ɛtɛk ayiayi ji ɛbangɔ njim ɛla gbɔ gbɔ.

¹⁸ Nim alɔ nɔg ɛlɛ ɔtol ɛbɛ ɛla yiyima ɛ? mɛ mbonga ateb arɛ wɔ ɔyɔra nyɔ arɛ wɔ ɔkama nim na ɛkɔ ji Bɛsɛbul.

¹⁹ Mɛ nɔ kɔ ɛkɔ Bɛsɛbul nyige abe atugi ba ɛkɔ ji wɔ ɔkɔga? abɔ ba arenɔ anɛ ba ala wun lam

²⁰ Mɛ nɔ fɛng nkɔ ɛkɔ ɔsɔwɔ nyege abe atugi, ɛli teb arɛ Ɔtol Ɔsɔwɔ ɛgba budi ɛba jɔl na na.”

²¹ Nkore abiji nɛnom, na agon ayɛ ababɛ ɛtɛk, nsɔl ɛyɛ ɛnim tana

²² Nɛ yɔ asengɔ wɛ na nsim alɔ nɔg na nɛ atabɛ wɛ ɛkɔ alɛ tabɛ nsɔl bita fɛb.

²³ Nɛ yɔ adɛnɔ mam tɔna aream nanama, nɛ yɔ adɛnɔ tɔna nanama afarfarɛ.

²⁴ Ɛbe ɛtugi ɛlɔ jog nɛnom na biji ɛjang janga ɛsɛba mfom yi Ɛlasɛl ayɔ ɛdɛlɔ yɛn mfom.Ɛfɛng ɛbong.nag fɛngɛ na ɛtɛg ji njogɔ.

²⁵ Alɔ fɛngɛ abayɛn naji alɔ tore afenge njo abom nsɔl na nsɛrɛ.

²⁶ Ɛfɛngɛ ɛji kɔ ɛtugi arema ji ɛbeb ɛsengɛ, aji jɔl fɔ Likpen nɛnom yɔ fɔ ɛla beb ɛseng ɛyogyoge.

²⁷ Na ji Jisɔs ajɔl bong nsɔl yi fɔ anɔ, nɛnkal wurang na ɛbɔngɛ ji fɔ akɔn “Lifola ɛjɔl na nyɛn ji ɛgbɛlɔ wa ɛlɛ wa na abɛl ayɛ.”

²⁸ Wɛ afanga “Lifola ɛjɔl na anɛ ba ayoga ntɔga Ɔsɔwɔ atamɛ.”

Ndenge yi Jona

²⁹ Na ji ɛbɔngɛ ɛlɔ gba Jisɔs abong arɛ, “Fa ba ɛbe ɛyeng ji,ji ɛbiba mkpɔgɛsi ɛjom, ndenge sang yi ala karɛ abɔ ndɛg yi Jona.

³⁰ Ngara mɔng Jona ajɔlɔ ndenge akarɛ Nɛnɛwi,anɔ yɔ mɔn a nɛnom ala tɔb ajɔl akarɛ ɛyeng ji fa.

³¹ Ntol a nɛnkal a ɔrɛda ala tum ayema alam bilam na abalom ba ɛyeng ji fa akarɛ abɔ ɔbe ateb arɛ ajog na nkulsi ɛyeng arɛ ayog ateng arɔn ya Solomɔn, batig nɛ yɔ ajɔgɔ aseng Solomɔn arefa,

³² Abalom ba Nɛnɛwi ala ayema na belam na ɛyeng ji fa akarɛ obe, ateb abɔ agbɔ ndɔn na alom Ɔsɔwɔ ya Jona ajɔl bong,batig nɛ yɔ ajɔgɔ aseng Jona arefa.

Ɛnwɔlɛ ji biji

³³ “Nɛ sang anwɔlɛ ɛnwɔlɛ abir, afɛngɛ akag na mgbangbang, akone na ɛkone ɛnwɔlɛ, na ngara yi anɛ ba ala yɛl ala yɛn liro ɛnwɔlɛ jifɔ.

³⁴ Amir ya arenɔ ɛnwɔlɛ ji biji ɛba. Amir aya alɔ nɔb biji ɛba kpakpa ɛla ror na liro lifɔ. Amir aya adɛnɔ nɔb, ɛjingi ɛla ror na biji ɛba kpakpa.

³⁵ kɔ arɛ liro li ɛrenɔ na na ɛream ɛjingi.

³⁶ Titi biji ɛba kpakpa ɛlɔ ror na liro,ɛkɛbɛ ajiaji ɛdɛ gbɔ ɛjingi,ɛla ya kpakpa,mɔng liro ɛnwɔlɛ jifa ɛla ya na biji ɛba.”

³⁷ Naji Jisɔs abongɔ ntɔga amal, anɛ ba Farasi akog wɛ arɛ aba li nsɔl na abɔ; aji jɔl na ɛkpokoro.

³⁸ Nɛ a Farasi, ayɛn arɛ Jisɔs aroma abɔ nig akuma nsɔl niga, ɛkpɔl wɛ ɛsi

³⁹ Yiyi Tata alagɔ bong atɔgɛ, “Batig wun a Farasi ɔfola njim a mig na ɛkpeng titi ɔnwɔlɛ ɛbina ɛror na liwora na bilom.

⁴⁰ Wun adadab anɛ! Nɛ yɔ alemɔ njim arig alemɔ ɔnwɔlɛ? Kɔ ji ɛyɔbɔ na ɔnwɔlɛ bi ɛkpeng karɛ akpag, ji ɛyɔbɔ na ɔnwɔlɛ ɛla babar ɛkara.

⁴¹ Ji ɛyɔbɔ wa na ɔnwɔlɛ ribi abɔ wɔ ɔkarɛ akpak nsɔl kpakpa ɛla babar ɛkara.

⁴² Ligbo na nina wun anɛ ba Farasi, ateb wun ɔkarɛ Ɔsɔwɔ akpabanyan na nkpak a nkpak, titi wun ɔtɛna ɛtete na likɔrɔ Ɔsɔwɔ. Kin wun ɔlema kpakpa ɔdɛg lem abole.

⁴³ Ligbo na nina wun anɛ ba farasi, ateb wun ɔkpe likɔrɔ na ateng aji na ɛkpasega na ɛkaga anɛ nyɔ na afom ya asiga arɛ.”

⁴⁴ “Ligbo na nina, ateb arɛ wun ɔre mɔng alim ya adɛnɔ bɛl ndenge ya anɛ ajɛna na ajiaji.”

⁴⁵ Nɛ wurang yɔ anyinɔ nɔ ajigi ɛnɔbnɔbɛ afanga wɛ, “Nteteba, naji ɔlɔ bong nsɔl yifa, ɔtoga wur titi.”

⁴⁶ Jisɔs afanga, “Wun anɛ ba ɔnyinɔ ajigi ɛnɔbnɔbɛ ligbo na nina, ateb wun ɔsiga anɛ lisɔl yi adɛgmal asima, yi wun bafɔnɛ ɔdɛg kɔ nyigɔbɔ ɔtɔb abɔ.”

⁴⁷ “Ligbo na nina wun ɔsil alim ɔkarɛ bayɛn amir Ɔsɔwɔ, titi anɛ bakol ba ɛmini ba ayolɔ nɔ abɔ.”

⁴⁸ Wun ɔyema ntiansɛ ɔtamɛ na ji anɛ ba ɛmini alemɔ ayol bayɛn amir a Ɔsɔwɔ bafɔ wun ɔsi alim abɔ.

⁴⁹ Yiyi Ɔsɔwɔ na ɔwag ɛbɛ abong arɛ, “Mɛ na tom bayɛn amir na Arɔb ama, bandɛga ala yol abɔ atom bangɔ agbakɔbɔ.”

⁵⁰ Na ɛlelema jifɔ, ala fele ɛyeng jifa ateb along a bayɛn amir Ɔsɔwɔ,ya alɔ wuri bɔm na ɛkuma nub ɛyeng jifa.

⁵¹ Bɔm na along Ɛbɛl ɔrir na along ya Sakariya, ayol wɛ na ɛkun na ɔnwɔlɛ ɛtɛk Ɔsɔwɔ. Ee, ntɔga wun,ala fele ɛyeng jifa ateba along yafa.

⁵² “Ligbo na nina anɛ ba anyinɔ ajigi, ateb wun ɔgba tab ɛgbɔgɔrɔ ji ɛkukuna, wun bafɔnɛ ɔyɛlam ɔfɛng ɔsidi anɛ ba alagɔ yɛl.”

⁵³ Naji Jisɔs atumɔ, Farasi na ba teba ajing akuma wɛ nfabɛ nkorenkore abiba wɛ alom a abiba,

⁵⁴ Ababɛ wɛ arɛ abɔbɛ na aji aji ji akpɛlɔ bong.