Salmow 127 - An Bibel Kernewek 20234 (Kernewek Kemmyn)Salm gradhow. A Solomon. 1 Marnas an Arloedh a dhrehav an chi, yn euver y lavur seul a'n drehav. Marnas an Arloedh a with an sita, yn euver y hwra an gwithyas goelyas. 2 Euver ragowgh hwi yw sevel a-varr, ha powes helergh, ow tybri an bara a lavuryow; rag yndella y re ev hun dh'y garadow. 3 Otta, ertach an Arloedh yw mebyon, frut an brys yw y wober ev. 4 Avel sethow yn dorn breselyas yndella yw mebyon yowynkneth. 5 Gwynnvys an gour re lenwis y woen-sethow anedha; ny berthons meth pan gewsons orth aga eskerens y'n porth. |
© Kesva an Taves Kernewek 2004, 2024
© Cornish Language Board 2004, 2024
British & Foreign Bible Society