Nehemia 12 - An Bibel Kernewek 20234 (Kernewek Kemmyn)

An Oferysi ha'n Levysi

¹ Lemmyn an re ma yw an oferysi ha'n Levysi a dheuth yn-bann gans Zerubbabel mab Shealtiel, ha Yeshua: Seraya, Yeremia, Ezra,

² Amaria, Malluk, Hattush,

³ Shekania, Rehum, Meremoth,

⁴ Iddo, Ginnethoy, Abia,

⁵ Miyamin, Maadia, Bilga,

⁶ Shemaia, Yoyarib, Yedaya,

⁷ Sallu, Amok, Hilkia, Yedaya. An re ma o hembrenkysi an oferysi ha'ga breder yn dydhyow Yeshua.

⁸ Ha'n Levysi: Yeshua, Binnuy, Kadmiel, Sherebia, Yuda, ha Mattania neb, gans y vreder, o yn charj a ganow an gormola.

⁹ Ha Bakbukia hag Unni ha'ga breder a sevi a-dal dhedha y'n deverow,

¹⁰ Ha Yeshua a dhineythis Yoyakim, Yoyakim a dhineythis Elyashib, hag Elyashib a dhineythis Yoyada,

¹¹ ha Yoyada a dhineythis Yonathan, ha Yonathan a dhineythis Yaddua.

¹² Yn dydhyow Yoyakim, an re ma o pennow an teyluyow oferyasek: a deylu Seraya, Meraya; a Yeremia, Hanania;

¹³ a Ezra, Meshullam; a Amaria, Yehohanan;

¹⁴ a Malluk, Yonathan; a Shebania, Yosep;

¹⁵ a Harim, Adna; a Merayoth, Helkay;

¹⁶ a Iddo, Zekaria; a Ginnethon, Meshullam;

¹⁷ a Abia, Zikri; a Minyamin, a Moadia, Piltay;

¹⁸ a Bilga, Shammua; a Shemaia, Yehonathan;

¹⁹ a Yoyarib, Mattenay; a Yedaya, Uzzi;

²⁰ a Sallu, Kallay; a Amok, Eber;

²¹ a Hilkia, Hashabia; a Yedaya, Nethanel.

²² Ow tochya an Levysi yn dydhyow Elyashib, Yoyada, Yonathan ha Yaddua, kovskrifys veu pennow teyluyow; ynwedh an oferysi bys yn reyn Darius an Persian.

²³ Mebyon Levi, pennow teyluyow, a veu kovskrifys yn lyver an Kroniklys, bys yn dydhyow Yonathan mab Elyashib.

²⁴ Ha hembrenkysi an Levysi: Hashabia, Sherebia, ha Yeshua mab Kadmiel ha'ga breder a sevi a-dal dhedha dhe gana gormel ha grasyans dhe Dhuw, an eyl amal ow korthybi dhe'n arall herwydh gorhemmynn Davydh, gour Duw.

²⁵ Mattania, Bakbukia, Obadia, Meshullam, Talmon, hag Akkub o porthoryon a witha an gwithvaow ryb an yetow.

²⁶ An re ma a veu yn dydhyow Yoyakim mab Yeshua mab Yosadak, hag yn dydhyow Nehemia an governour, hag Ezra an oferyas, an skriba.

Sakrans an Fos

²⁷ Orth sakrans fos Yerusalem i a hwilas an Levysi yn oll aga thylleryow ha'ga dri bys yn Yerusalem dhe solempnya an sakrans gans lowena ha gans grasyans ha kana, gans symbalys, telynnow, ha sowtris.

²⁸ Mebyon an ganoryon ynwedh a omguntellas war-barth dhiworth an pow a-dro dhe Yerusalem, ha dhiworth trevow an Netofathysi;

²⁹ ynwedh dhiworth Beth-gilgal ha dhiworth ranndir Geba hag Azmaveth; rag an ganoryon re dhrehevsa trevow ragdha aga honan a-dro dhe Yerusalem.

³⁰ Ha'n oferysi ha'n Levysi a omlanhas aga honan; hag i a lanhas an bobel ha'n yetow ha'n fos.

³¹ Ena my a wrug dhe hembrenkysi Yuda mos yn-bann war an fos hag a apoyntyas dew vagas bras a ganoryon dhe wodhvos gras. Onan eth dhe'n dyghow war an fos dhe Yet an Kawgh;

³² ha war aga lergh eth Hoshaia ha hanter hembrenkysi Yuda,

³³ hag Azaria, Ezra, Meshullam,

³⁴ Yuda, Benyamin, Shemaia ha Yeremia,

³⁵ ha sertan a vebyon an oferysi gans hirgern: henn yw, Zekaria mab Yonathan, mab Shemaia, mab Mattania, mab Mikaya, mab Zakkur, mab Asaf;

³⁶ ha'y vreder, Shemaia, Azarel, Milalay, Gilalay, Maay, Nethanel, Yuda, ha Hanani, gans daffar menestrouthi Davydh, gour Duw; hag Ezra an skriba eth a-ragdha.

³⁷ Orth Yet an Fenten, a-dheragdha, i eth yn-bann war grisyow sita Davydh, orth an fordh-yskynna dhe'n fos, a-ugh chi Davydh, bys yn Yet an Dowr dhe'n est.

³⁸ An bagas arall esa ow ri grasyans eth dhe'n barth kledh, ha my a's siwyas gans hanter an bobel war an fos, a-ugh Tour an Fornow, dhe'n Fos Ledan;

³⁹ hag a-ugh Yet Efraym, ha ryb an Yet Koth, ha ryb Yet an Puskes ha Tour Hananel ha Tour an Kans, dhe Yet an Deves; hag i a hedhis orth Yet an Withysi.

⁴⁰ An dhew vagas esa ow ri grasyans a gemmeras aga thylleryow yn chi Duw, ha my ha hanter an hembrenkysi genev;

⁴¹ ha'n oferysi Elyakim, Maaseya, Minyamin, Mikaya, Elyoenay, Zekaria, ha Hanania, gans hirgern;

⁴² ha Maaseya, Shemaia, Eleazar, Uzzi, Yehohanan, Malkia, Elam, hag Ezer. Ha'n ganoryon a ganas yn ughel gans Yezraghya avel aga hembrenkyas.

⁴³ Ha'n jydh na i a offrynnas sakrifisow bras ha lowenhe. Rag Duw a wrug dhedha lowenhe gans lowena bras; ha'n benynes ha'n fleghes a lowenhas ynwedh. Ha heudhder Yerusalem a veu klewys y'n pellder.

Taklow rag an Oferysi ha'n Levysi

⁴⁴ Y'n jydh na, gwer a veu apoyntys dhe gavoes charj a'n roumys rag an proviansow, an offrynnow, an kynsa frut ha'n degedhow, dhe guntell ynna dhiworth an gwelyow a-dro dhe'n trevow an rannow erghys der an lagha rag an oferysi ha'n Levysi; rag Yuda a lowenhas drefenn an oferysi ha'n Levysi esa ow menystra.

⁴⁵ I a wrug deverow aga Duw ha deverow glanheans dell wrug an ganoryon ha'n borthoryon herwydh gorhemmynn Davydh ha'y vab Solomon.

⁴⁶ Rag yn dydhyow Davydh hag Asaf nans yw pell, yth esa chyf an ganoryon, hag yth esa kanow gormola ha grasyans dhe Dhuw.

⁴⁷ Hag yn dydhyow Zerubbabel hag yn dydhyow Nehemia oll Ysrael a ri rannow dydhyek rag an ganoryon ha'n borthoryon; hag i a worras a-denewen an rann rag an Levysi erell, ha'n Levysi a worras a-denewen an rann rag mebyon Aron.